تورکیه سئچیمه گئدیر

تورکیه، جمهورباشقانی و ۲۸.جی دؤور میللت وکیلی عمومی سئچیملری اوچون یارین صاندیق باشینا گئدیر.
اؤلکه‌ده تورکیه ساعاتییلا ۰۸.۰۰دا باشلایاجاق سس وئرمه ایشلری، تورکیه ساعاتییلا  ۱۷.۰۰دا سونا چاتاجاق.
بو گون تورکیه ساعاتییلا  ۱۸.۰۰ده باشلایاجاق تبلیغات قاداغاسی ۲۴ ساعات داوام ائد‌جک.
یارین صاندیقلار باغلانانا قدر تبلیغات احتیوا ائد‌ن خبر و یایین وئریلمه‌یه‌جک.
تورکیه ساعاتییلا ۲۱.۰۰دان سونرا بوتون یایینلار سربست اولاجاق، یوکسک سئچیم قورولو بو ساعاتی داها ائرکه‌نه آلابیله‌جک.
جمهورباشقانی سئچیم کاغیذیندا، رجب طیب اردوغان، محر‌م اینجه، کمال قیلیچداراوغلو و سینان اوغانین آدی یئر آلاجاق. آنجاق نامیزدلردن محرم اینجه، ۱۱ می‌ده نامیزدلیک‌دن چکیلدیگینی آچیقلادی. سئچیم کاغیذلارینین چاپی و پایلانماسی تاماملاندیغی اوچون اینجه‌نین آدی قالماغا داوام ائد‌جک.
۲۸.جی دؤنم پارلمانینی بللی ائتمک اوزره ائدیله‌جک میللت وکیلی عمومی سئچیمینه ایسه ۲۴ سیاسی پارتی ایله تورکیه‌ده ۱۵۱ موستقیل میللت وکیلی نامیزدی گیره‌جک.