چاووش اوغلو:"دؤردطرف‌لی کومیته ان یاخین زاماندا بیرآرایا گله جک"
مولود چاووش اوغلو تورکیه-سوریه علاقه‌لری‌نین یاخشیلاشدیریلماسی ایله باغلی دؤردطرف‌لی کومیته‌نین یاخین زاماندا گؤروش کئچیرمه‌سی‌نین نظرده توتولدوغونو بیلدیریب.
خاریجی ایشلر ناظیری مولود چاووش اوغلو تورکیه-سوریه علاقه‌لری‌نین یاخشیلاشدیریلماسی ایله باغلی دؤردطرف‌لی کومیته‌نین یاخین زاماندا گؤروش کئچیرمه‌سی‌نین نظرده توتولدوغونو بیلدیریب.
ناظیر چاووش اوغلو می‌ین 10-دا روسیانین پایتاختی مسکوادا کئچیریلن تورکیه، ایران، روسیا و سوریه خاریجی ایشلر ناظیرلرینین گؤروشون‌دن سونرا آنتالیادا بیانات وئریب.
چاووش اوغلو گؤروشله باغلی دئییب:
"بوگونکو ایجلاسدا بیز ده قرارا گلدیک کی، خاریجی ایشلر ناظیرلرینین معاوینلری و علاقه‌لی قوروم‌لارین ایشتیراکی ایله بیر کومیته فورما‌لاشدیراق، کونکرت عنصر کیمی یول خریطه‌سی حاضیرلاییب سوره جی مرحله‌لی شکیلده ایره‌لی آپا‌راق، بورادا میللی ساوونما و کشفیاتی نظرده توتوروق. بو کومیته‌نین ده ان قیسا زاماندا توپلانماسی گؤزلنیلیر".
دؤرد خاریجی ایشلر ناظیری‌نین گؤروشونون یاپیجی و محصولدار کئچدیگینی بیلدیرن چاووش اوغلو سوره جین طرف‌لری اولا‌راق سوریه-نین اراضی بوتؤو‌لوگو و اگمنلیگینه دستک‌لرینی بیر داها تکرارلادیق‌لارینی بیلدیریب.
ترور تشکیلات‌لاری پ.کا.کا، ی.پ.گ و داعش ایله موباریزه‌ده تام بیر گوروش بیرلیگی اولدوغونو قئید ائدن چاووش اوغلو بیرلشمیش میللت‌لر تشکیلاتی‌نین (بمت) تهلوکه‌سیزلیک شوراسی‌نین 2254 سایلی قطعنامه سینه اویغون اولا‌راق سیاسی سوره جین ایرلیلدیلمه‌سینی وورغولادیق‌لارینی ایفاده ائدیب.
اینسانی ساحه‌ده امکداشلیغین واجیب‌لیگینی وورغولایان چاووش اوغلو تکجه بو 4 اؤلکه ایله دئییل، اولوسلار آراسی توپلوم ایله، خصوصیله ده بمت ایله امکداشلیغین واجیب‌لیگینی وورغولادیق‌لارینی بیلدیریب.
سیغینا‌جاق آختاران‌لارین تهلوکه‌سیز و لیاقتله گئری قاییتما‌لاری اوچون لازیمی آلت یاپی‌نین حاضیرلانماسی ایله باغلی مسئله‌لری ده موذاکیره ائتدیک‌لرینی بیلدیرن چاووش اوغلو تورکیه-نین بو سوره جین هئچ بیر ایلکین شرط اولما‌دان و خوش نیتله داوام ائتدیریلمه‌سی‌نین طرفداری اولدوغونا دقت چکیب.
آذربایجان، ائرمنیستان و تورکیه آراسیندا سون حادثه‌لری ده موذاکیره ائتدیک‌لرینی دئین چاووش اوغلو ایستانبول "تاخیل سازیشی"نین گؤروشون مؤضوع لاریندان بیری اولدوغونو دئییب.
چاووش اوغلو همین گؤروش‌دن مثبت نتیجه آلیناجاغینا اومید ائتدیگینی وورغولاییب:
"جمهور باشقانیمیز (رجب طیب اردوغان) سون نقطه‌ده جناب (روسیا پرزیدنتی ولادیمیر) پوتینله ده گؤروشه‌رک، سازیشین مدتینی اوزاتماغی، اصلینده 2 آی اوزادیلمیشدی، ان آزی 2 آی داها اوزادیلماسیندا نتیجه الده ائده بیله جگیمیزی دوشونورم".
