اردوغان: تورکیه یوز ایلینی تحصیل یوز ایلینه چئویرهجییک
"سرحدلریمیز ایچینده بیتمه نقطهسینه گتیردیگیمیز ترور باتاقلیغینی عراقین و سوریهنین قوزئیینده ده تامامیله قوروداجاغیق"
![اردوغان: تورکیه یوز ایلینی تحصیل یوز ایلینه چئویرهجییک](http://cdn.trt.net.tr/images/xlarge/rectangle/47b5/e0af/5862/6458c2384c8e7.jpg?time=1719159336)
جمهورباشقانی رجب طیب اردوغان،
"تک سفرده جمهوریت تاریخیمیزین ان بؤیوک اؤیرتمن استخدامینی بو گون گئرچکلشدیریریک" دئدی.
اردوغان، ایستانبول خلیج کنگره مرکزینده "۴۵۰۰۰ اؤیرتمن آتاما پروگرامی"نداکی دانیشماسیندا،
"سیزلرین دستگی ایله اؤنوموزدهکی دؤورو تورکیه یوز ایلی ائدجک، تورکیه یوز ایلینی ده تحصیل یوز ایلی حالینا چئویرهجییک" ایفادهلرینی ایشلتدی.
جمهورباشقانی اردوغان آیریجا، ۶ فوریهده میدانا گلن قهرمان ماراش مرکزلی زلزلهلردن ائتکیلنهن بؤلگهلره باغلی،
"گئریده بوراخدیغیمیز ۳ آیدا زلزله بؤلگهسی اوچون چوخ اؤنملی آددیملار آتدیق. ییخینتیلاری تامامیله قالدیردیق. ۸۳۷ مین چادیرین یانیندا ۱۰۰ مین کانتینرین قوراشدیریلماسینی تاماملادیق. ۱۴۲ مین ائوین و کند ائوینین تیکیمینی باشلادارکهن ۵۹ مینینین ده تملینی آتدیق. ۳۱۹ مینی بیر ایل ایچینده اولماق اوزره ۶۵۰ مین ائوی تیکیب تحویل وئرهجییک" دئیه دانیشدی.
اردوغان،
"بو گون آتاما ایله وظیفهیه باشلایاجاق اؤیرتمنلریمیزین تخمیناً یاریسی زلزله بؤلگهسیندهکی ائللریمیزده وظیفه یئریدهجک" آچیقلاماسینی وئردی.
جمهورباشقانی اردوغان، ترورلا موباریزه قونوسوندا دا،
"سرحدلریمیز ایچینده بیتمه نقطهسینه گتیردیگیمیز ترور باتاقلیغینی عراقین و سوریهنین قوزئیینده ده تامامیله قوروداجاغیق" دئدی.
اؤته یاندان اردوغان، سوسیال مئدیا حسابیندان ائتدیگی پایلاشیملاردا پارتیسینین (عدالت و قالخینما پارتیسی) دوننکی ایستانبول میتینگی ایله باغلی اولاراق،
"ایستانبولوموزون ۳۹ ائلچهسیندن، هر بیر کونجوندن آتاتورک هاوالیمانی میللت باغچاسینا آخین ائدن، کوچهلره، یوللارا، جادهلره سیغمایان بوتون باجی قارداشلاریما تشکرلریمی سونورام. تشکرلر ایستانبول!" پایلاشیمی ائتدی.
اردوغان باشقا پایلاشیمیندا دا،
"ایندییه قدر نئجه یالنیز میللتیمیزله یول گئتدیکسه بو گون ده یارین دا عزیز میللتیمیزله بیرلیکده یول یولداشلیغی ائتمهیی داوام ائتدیرجییک" ایفادهسینی ایشلتدی.
ایلگیلیلی خبرلر
![پکاکالی ۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/0f58/61b4/d37d/5f800345c2e8d.jpg?time=1719159336)
پکاکالی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"
![۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/cb09/0bb8/be30/667528251ad6f.jpg?time=1719159336)
۴ تروریست تاثیرسیز حالا گتیریلدی
بیت الشباپ چؤلونده بؤلوجو ترور تشکیلاتی منسوبو تروریستلرله ایستی تماس تامین ائدیلدی