مولود چاووش اوغلو: "سودان-دان 1490 نفری اتوبوس لارلا تخلیه ائتدیک"
خاریجی ایشلر ناظیری مولود چاووش اوغلو سودان-دان 1380 تورکیه وطنداشی و 13 اؤلکهدن 110 نفرین اتوبوس لار ایله تخلیه اولونماق اوچون یولا چیخاریلدیغینی بیلدیرب.
خاریجی ایشلر ناظیری مولود چاووش اوغلو سودان-دان 1380 تورکیه وطنداشی و 13 اؤلکهدن 110 نفرین اتوبوس لار ایله تخلیه اولونماق اوچون یولا چیخاریلدیغینی بیلدیرب.
خاریجی ایشلر ناظیری مولود چاووش اوغلو بیلدیریب کی، سودان-دا اوردو ایله خصوصی قوه لر آراسیندا باش وئرن قارشیدورمالار سببیندن 1380 تورکیه وطنداشی و 13 اؤلکهدن 110 نفر اتوبوس لار ایله تخلیه اولونماق اوچون یولا چیخاریلیب.
سودان-دا کئچید سوره جینین اوزون چکدیگینی و بو سببدن اؤلکهده خاوس اولدوغونو دئین چاووش اوغلو، بو اؤلکهدهکی پروسه یاخیندان ایزلهدیکلرینی بیلدیریب.
چاووش اوغلو قئید ائدیب کی، جمهور باشقانی رجب طیب اردوغان اؤلکهده قارشیدورمالار باشلایاندا سودان اگمنلیک شوراسینین صدری ژنرال عبدالفتاح البرهان و سودان اگمنلیک شوراسینین صدر معاوینی، خصوصی قوه لر فرماندهی ژنرال محمد حمدان دقلو ایله آیری-آیریلیقدا تلفونلا دانیشیب و تورکیه-نین آتشکس مؤوضوع سوندا آرزولارینی چاتدیریب.
سودان-دا رمضان بایرامی ایله علاقهدار آتشکسه عمل اولوندوغو بو سببدن تورکیه وطنداشلارینی تخلیه ائتمهیه باشلادیقلارینی بیلدیرن چاووش اوغلو، تخلیه اوچون هاوا، دنیز و قورو دا داخیل اولماقلا بوتون آلترناتیولر اوزرینده چالیشدیقلارینی و اتیوپیا اوزریندن اولماسینین داها یاخشی اولاجاغینی دوشوندوکلرینی دیله گتیریب.
چاووش اوغلو سودانداکی تورکیه وطنداشلارینین تخلیهسی ایله بونلاری دا دئییب:
1490 نفری اتوبوس ایله یولا سالدیق. اونلاردان 640-ی اتیوپیا-یا چاتدی. دیگر طرفدن سودان لیمان لاریندان دا 23 وطنداش مراجعت ائتدی. صاباح (25 آوریل) ساعات 21:00-دا جده طرفینه کئچهجک فریبوتا میندیرجییک. جده-دن پلانلی اوچاق لارلا تخلیه ائدجییک. بو گون اتیوپیانین خاریجی ایشلر ناظیری (مکونن) ایله سرحدی کئچمگی آسانلاشدیرماق اوچون دانیشدیم".
سودان خاریجی ایشلر ناظیرینین معاوینی علی الصادق ایله دایمی تماسدا اولدوقلارینی بیلدیرن چاووش اوغلو تورکیه-نین تخلیهده مارکا اولدوغونو، بیر چوخ اؤلکهنین سودانداکی وطنداشلارینین تخلیهسی اوچون آنکارادان کؤمک ایستهدیگینی، تخلیه ائدیلن 1490 نفر آراسیندا 13 اؤلکهدن 110 نفرین اولدوغونو بیلدیریب.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.