اردوغان: "رمضان بایرامیندا ایلک کند ائولرینی تحویل وئرجییک"

جمهور باشقانی رجب طیب اردوغان رمضان بایرامیندا غازی آنتپ شهرینده نورداغی و قهرمان ماراش-دا تورک اوغلوندا ایلک کند ائولرینی تحویل وئره‌جک‌لرینی بیلدیریب.

جمهور باشقانی اردوغان پرزیدنت ایقامتگاهیندا فوریه‌نین 6-دا قهرمان ماراش مرکزلی زلز‌له‌لردن سونرا بؤلگه‌یه کمکه گئدن بلدیه‌لر، آختاریش- قورتارما قروپ‌لاری و زلز‌له‌دن ضررچکن‌لرله افطار پروقرامیندا گؤروشوب.

زلز‌له بؤلگه‌سینده چادیر، کانتینر و پرفابریک ائولر تیکدیک‌لرینی خاطیرلا‌دان اردوغان میللتین ایلک آندان بوتون ایمکان‌لاری و بوتون دؤولت قوروم‌لاری ایله زلز‌له بؤلگه‌سینده اولدوغونو دئییب.

داغینتی‌لارین تمیزلنمه‌سی ایشلری‌نین شدتلی شکیلده داوام ائتدیگینی ایفاده ائدن جمهور باشقانی اردوغان دایمی یاشاییش ائولری‌نین تیکینتی‌سی‌نین ده فعال شکیلده داوام ائتدیگینی و بیر ایل عرضینده اونلاری تاماملایا‌جاق‌لارینی قئید ائدیب.