چاووش اوغلو: "سوریه ایله باغلی گؤروش مسکوادا کئچیریله‌جک

خاریجی ایشلر ناظیری مولود چاووش اوغلو آوریلین 3-4-ده روسیانین پایتاختی مسکوادا تورکیه، روسیا، سوریه و ایرانین ایشتیراکی ایله ناظیر معاوینی سویه‌سینده دؤرد طرف‌لی گؤروشون کئچیریله‌جگینی آچیقلاییب.

چاووش اوغلو بیرلشمیش میللت‌لر تشکیلاتیندا 30 مارس – اولوسلار آراسی صیفیر توللانتی گونو ایله باغلی خصوصی ایجلاسینا قاتیلماق اوچون سفرده اولدوغو نیویورک-دا "تورک ائوی"نده بیر قروپ تورک ژورنالیستی ایله خاریجی سیاست‌ده‌کی اینکیشاف‌لاردان دانیشیب.

روسیا خاریجی ایشلر ناظیری سرگئی لاورووون تورکیه-یه سفری ایله باغلی سوا‌لی جاوابلاندیران چاووش اوغلو بیلدیریب کی، قهرمان ماراش-داکی زلز‌له‌لردن سونرا تورکیه-یه سفر ائتمک ایسته‌ین لاورووون 6-7 آوریل تاریخ‌لرینده ائدجگی سفر زامانی ایکی طرف‌لی علاقه‌لرین فرق‌لی اؤلچولرینی موذاکیره ائتمک ایمکانی اولا‌جاق.

زلز‌له‌لردن سونرا روسیانین چوخلو یاردیم ائتدیگینی خاطیرلا‌دان چاووش اوغلو دئییب:

"گئنیش معنادا دانیشاجاغیمیز مسئله‌لر وار. ایکی طرف‌لی علاقه‌لرله یاناشی، تاخیل سازیشی‌نین اوزادیلماسی دا موذاکیره اولونا‌جاق. جمعه آخشامی (30 مارس) بمت-نین باش کاتیبی ایله ده گؤروشوموز اولدو. بیز بونون اوزرینده ایشلییریک. روسیا تاخیل موقاویله‌سی‌نین 60 گون اوزادیلماسینی قبول ائتدی دئدی. 120 گون هله بللی دئییل، بو حاقدا دانیشاجاغیق".

لاوروولا گؤروشده سوریه، لیبیا و دیگر بولگه‌سل مسئله‌لرین ده موذاکیره اولوناجاغینی قئید ائدن چاووش اوغلو سوریه-ده‌کی سیاسی پروسه لر، قاچقین‌لارین وضعیتی و زلز‌له‌لردن سونرا اورادا ائدیله‌جک اینسانی یاردیم‌لارین آرتیریلماسی‌نین قیمتلندیریله‌جگینی بیلدیریب.

چاووش اوغلو "بیلیرسینیز، روسیانین ائو صاحیب‌لیگی و واسیطه‌چی‌لیگی ایله سوریه ایله عهده چی‌لیک سوره جی باشلادی. سونرا‌دان ایران دا بو سوره جه جلب اولوندو. ناظیر معاوینی سویه‌سینده دؤرد طرف‌لی گؤروش آوریلین 3-4-ده مسکوادا باش توتا‌جاق" دئییب.