جمهور باشقانی اردوغان زلز‌له قوربان‌لاری ایله بیر آرایا گلیب

جمهور باشقانی رجب طیب اردوغان 11 ویلایتده 650 مین ائو تیکه‌رک زلز‌له بؤلگه‌سینی دیرچلتمگی هدفلدیک‌لرینی بیلدیریب.

جمهور باشقانی اردوغان ایستانبول بویوک چکمه‌جه‌ده زلز‌له‌دن ضررچکن‌لرله گؤروشوب.

جمهور باشقانی اردوغان فوریه‌نین 6-دا قهرمان ماراش-دا 11 ویلایتده 14 میلیون اینسانین بیرباشا تأثیر ائتدیگی زلزه‌له‌لرده دؤولتین بوتون قوروم و ایمکان‌لارینی زلزه‌له بؤلگه‌سی اوچون سفربر ائتدیک‌لرینی بیلدیریب.

میللتین ایلک گوندن غیری-حکومت تشکیلات‌لاری و فردی تشببوس‌لری ایله زلز‌له قوربان‌لاری‌نین یانیندا اولدوغونا دقت چکن جمهور باشقانی اردوغان دئییب:

"بیز اولوسلار آراسی یاردیم‌لاری، خصوصیله دوست و قارداش اؤلکه‌لری هئچ واخت اونوتمایاجاغیق. مقصدیمیز بیر ایل عرضینده آلت یاپیسی ایله بیرلیکده 319 مین، بوتون سوسیال و تیجاری بیریم لری، عمومی‌لیکده ایسه 650 مین ائو تیکه‌رک زلز‌له بؤلگه‌سینی دیرچلتمک‌دیر. همین یئرینده یئنی‌دن قورولا‌جاق یئرلری تاریخی و مدنی بافت لارینه اویغون محکم و تهلوکه‌سیز یاپی لارلا شهرلریمیزه قازاندیراجاغیق" دئییب.

جمهور باشقانی رجب طیب اردوغان رمضان آیی موناسیبتیله گئتدیک‌لری شهرلرده دایمی یاشاییش یئرلری‌نین تمل آقویما مراسیم‌لرینی ده حیاتا کئچیردیک‌لرینی وورغولاییب.

جمهور باشقانی اردوغان دایمی یاشاییش یئرلری‌نین ایستیفاده‌یه وئریلمه‌سی ایله بو شهرلرین قارشی‌سیندا یئنی بیر دؤوره باشلایا‌جاق‌لارینی بیلدیریب.

جمهور باشقانی اردوغان سون زلز‌له فلاکتینده خالقین بیرلیک، هم رای‌لیک، قارداش‌لیق مزیت‌لری‌نین نه قدر گوج‌لو اولدوغونو بیر داها گؤردوک‌لرینی دیله گتیریب.