اردوغان: بؤلگهنی ۱ ایل ایچینده آیاغا قالدیراجاغیق
جمهورباشقانی اردوغان و میللیتچی حرکت پارتیسی باشقانی دؤولت باغچالی عثمانیهده زلزلهلردن ائتکیلنن بؤلگهلری اینجهلهدی
جمهورباشقانی رجب طیب اردوغان، زلزلهلردن ائتکیلنن شهر مرکزلری کیمی کندلری ده ۱ ایل ایچینده آیاغا قالدیرماغی هدفلهدیکلرینی سؤیلهدی.
جمهورباشقانی اردوغان و میللیتچی حرکت پارتیسی (محپ) باشقانی دؤولت باغچالی، زلزلهدن ائتکیلنن عثمانیهده زلزلهدن ضرر گؤرونلر بیر آرایا گلدی.
بیلیم اینسانلارینین، ۶ فوریهدهمیدانا گلن زلزله فلاکتینین دونیادا قورودا میدانا گلن ان شدتلی زلزله اولدوغونو سؤیلهدیکلرینی خاطیرلادان اردوغان،
"اؤلکهمیز طبیعی فلاکتلرله قارشی قارشییا" دئدی.
یارالاری سارماق اوچون بوتون ایمکانلاری سفربر ائتدیکلرینی وورغولایان اردوغان، زلزلهدن ضرر گؤرونلرین یئمه ایچمه احتیاجلاری اوچون لازیم اولان تدبیرلری آلدیقلارینی، قیزیل آیین گونده تخمیناً ۲،۵ میلیون اینسانا یئمک پایلادیغینی ایفاده ائتدی.
ییخیم قالدیرما ایشلری ایله بیرلیکده کانتینرلرین یئرلشدیریلمهسینین ده داوام ائتدیگینی ایفاده ائدن اردوغان، ۸۶۵ مین وطنداشین چادیرلارا، ۲۳ مین ۵۰۰ وطنداشین دا کانتینرلره یئرلشدیریلدیگینی سؤیلهدی.
قالیجی ایقامتگاهلارین اینشاسی اوچون ده آددیملاری آتماغا باشلادیقلارینین وورغولایان اردوغان،
"انشاالله ۱ ایل ایچینده بو قالیجی ایقامتگاهلاری تیکهجییک، وطنداشلاریمیزی دا یئرلشدیرجییک. مارس آییندا توپلام ۲۷۰ مین وطنداشیمیزی ائو صاحبی ائتمک اوچون ایقامتگاهلارین تیکیمینه باشلایاجاغیق. ایتکیلریمیزی گئری گتیرهبیلمهسک ده دؤولتیمیز ییخیلانین یئرینه داها گوجلوسونو تیکمهیه موقتدیردیر" ایفادهلرینی ایشلتدی.
جمهورباشقانی اردوغان و میللیتچی حرکت پارتیسی (محپ) باشقانی دؤولت باغچالی عثمانیهده زلزلهلردن ائتکیلنن بؤلگهلری اینجهلهدی.