آنتونی بلینکن تورکیهیه گلهجک
بلینکن، دگرلی بیر ناتو متفیقی اولان تورکیه ایله اورتاقلیغی داها دا گوجلهندیرمهنین یوللارینی دانیشماق اوزره خاریجی ایشلر باخانی مؤولود چاووشاوغلو و دیگر اوست سویه تورک مقاملارلا بیر آرایا گلهجک
آمریکا بیرلشمیش دؤولتلری خاریجی ایشلر باخانی آنتونی بلینکن، ۶ فوریهده میدانا گلن و "عصرین فلاکتی" اولاراق تانیملانان قهرمان ماراش مرکزلی زلزلهلردن ائتکیلنن بؤلگهلره ائدیلهجک کؤمکلر باشدا اولماق اوزره بیر چوخ قونونو اله آلماق اوزره تورکیهیه گلهجک.
آمریکا خاریجی ایشلر باخانلیغیندان وئریلهن یازیلی آچیقلامادا، بلینکنین ۱۶ فوریهده مونیخ گوونلیک کنفرانسینا قاتیلماق اوزره آلماییایا گئدجگی ایفاده ائدیلدی.
آچیقلامادا، کنفرانسدا اوکراینایا دستک و بؤلگهسل گوونلیگین یانیندا قهرمان ماراش مرکزلی زلزلهلرین تأثیر ائتدیگی تورکیهدهکی ۱۱ بؤلگه و سوریهنین قوزئییندهکی بؤلگهلره ائدیلهجک کؤمکلرین ده اله آلیناجاغی قید ائدیلدی.
۱۹ فوریهده تورکیهیه گلهجگی ایفاده ائدیلهن آنتونی بلینکنین آمریکانین زلزله بؤلگهسیندهکی قورتارما چابالارینا وئردیگی دستگی یئرینده گؤرمک اوزره اؤنجه اینجیرلیک هاوا مرکزینه گئدهجگی قید ائدیلدی
بلینکنین داها سونرا باشکند آنکارادا اولاجاغی ایفاده ائدیلهن آچیقلامادا،
"بلینکن، بورادا، آمریکانین ییخیجی زلزلهلرین آردیندان تورکیهیه و تورک خالقینا وئردیگی دستگین یانیندا دگرلی بیر ناتو متفیقی اولان تورکیه ایله اورتاقلیغی داها دا گوجلهندیرمهنین یوللارینی دانیشماق اوزره خاریجی ایشلر باخانی مؤولود چاووشاوغلو و دیگر اوست سویه تورک مقاملارلا بیر آرایا گلهجک. باخان بلینکن آیریجا تورک حکومتینه سوریهنین ائتکیلنن بؤلگهلرینه سرحد اؤتهسی یاردیما وئردیگی دستک اوچون تشکر ائدجک" بیلگیسی وئریلدی.
آچیقلامادا، آنتونی بلینکنین داها سونرا آتنه گئچهرک، یونانیستان باشباخانی کیریاکوس میچوتاکیس، خاریجی ایشلر باخانی نیکوس دندیاس و آنا موخالیفت لیدئری آئکسیس چیپراس ایله گؤروشهجگی ده ایفاده ائدیلدی.