تورکیه-یه اینسانی دستک فعالیتلری داوام ائدیر
امریکا خاریجی ایشلر ناظیرلیگینین سؤزچونون معاوینی ودانت پاتل زلزلهلرله باغلی تورکیه-یه یاردیمی داوام ائتدیردیکلرینی بیلدیریب.
لهستان-ین ایستراتژی قایناق لاریندان زلزلهنین ووردوغو تورکیه-یه 3 یوک ماشینی یئنی دستک
تورکیه-نین ورشو-داکی سفیری جنگیز کامیل فیرات "عصرین فلاکتی" اولاراق خاراکتریزه ائدیلن، مرکزی قهرمان ماراش اولماقلا باش وئرن زلزلهلردن سونرا لهستان-ین گؤستردیگی دستک چرچیوهسینده ایستراتژی قایناق لاریندان بیر یوک ماشینی ژنراتور، پتو، قیش چادیری و بعضی داوالار دا داخیل اولماقلا عمومیلیکده 3 کامیون یاردیمین گؤندریلهجگینی بیلدیریب.
فوریهنین 6-دا باش وئرن زلزلهدن سونرا لهستان-ین تورکیه-یه گؤندردیگی قورتارما قروپونون 6 ساعات عرضینده حاضیر اولدوغونو وورغولایان فیرات، داها سونرا بو هئیته بیر قروپ معدنچینین ده علاوه ائدیلدیگینی سؤیلهییب.
"عصرین فلاکتی" اولاراق آدلاندیریلان زلزلهدن سونرا عراق حکومتی ده تورکیه-یه 30 مین تون یاناجاق تداروک ائتمک قرارینا گلیب.
امریکانین خاریجی ایشلر ناظیرلیگینین آوروپا و آوراسیا مسئلهلری اوزره معاوینی اریکا اولسون مرکزی قهرمان ماراش اولماقلا میدانا گلن زلزلهلرله باغلی کئچیردیگی بریفینقده امریکا حکومتینین زلزله بؤلگهلرینه 85 میلیون دولارلیق یاردیمدان علاوه اؤزل سئکتورون دا 50 میلیون دولاردان چوخ یاردیم ائتدیگینی آچیقلاییب.
امریکا خاریجی ایشلر ناظیرلیگینین سؤزچونون معاوینی ودانت پاتل زلزلهلرله باغلی تورکیه-یه یاردیمی داوام ائتدیردیکلرینی بیلدیریب. آختاریش- قورتارما ایشلری ایله یاناشی سو، قیدا و طبی خیدمت کیمی واجیب احتیاج واسیطهلرینین تداروکونو داوام ائتدیرهجکلرینی سؤیلهین ودانت پاتل "بو، دریندن باغلی اولماغا داوام ائدجگیمیز بیر مسئلهدیر"، دئیه وورغولاییب.
ناتو-نون ایتالیانین ناپولی شهریندهکی بیرلشمیش قوهلر قوموتانلیغیندان وئریلن آچیقلامایا گؤره، ان آزی 1000 کانتینردن عبارت اولاجاق و زلزله قوربانلاری اوچون سیغیناجاق وئرهجک تاسیس لرین تورکیهیه گؤندریلمهسی اوچون حاضیرلیقلارا بیر مدت اول باشلانیلیب.
کانتینرلرین بیرینجی حیسهسی تورکیه-یه داشینماسی و "یاری دایمی" یئرلشدیرمه تاسیس لرینین یارادیلماسی اوچون بیرلشمیش قوهلر قوموتانلیغینین کووردیناسیون ائتدیگی داشیما فعالیتلری چرچیوهسینده گلن هفته یولا سالیناجاق.
گورجوستاندان اولان 85 نفرلیک آختاریش-قورتارما قروپو تورکیه-ده طبیعی فلاکت بؤلگهسینه چاتماق اوچون یولا دوشوب.
گورجوستان ایچ ایشلر ناظیرلیگینین فوق العاده حاللار ایدارهسی خیدمتیندن وئریلن یازیلی آچیقلامادا سؤزوگئدن قروپون آدی یامان-دا فعالیت گؤسترجگی وورغولانیب.
اکیپین داها اول آدی یامانا گؤندریلن قروپو عوض لهیهجگی بیلدیریلن آچیقلامادا دئییلیب:
"گورجوستاندان یئنی اعزام اولونموش قورتارما دستهسی زلزلهدن سونرا برپا و قورتارما تدبیرلرینین حیاتا کئچیریلمهسی اوزره تعلیم کئچمیش یانغین سؤندورن-قورتارما متخصصلریندن عبارتدیر. اکیپ همچنین معاصر جیهازلار، اینسانسیز هاوا آراج لار، ایله تیشیم واسیطهسی و بوتون نوع خصوصی قورتارما واسیطهلری ایله تجهیز اولونوب".
سعودی عربیستانی تورکیه و سوریه-نین زلزلهدن ضرر چکمیش بؤلگهلرینه 3000 کانتینر ائوی گؤندرجگینی آچیقلاییب.
سعودی عربیستانینداکی کرال سلمان اینسانی یاردیم مرکزینه باغلی Sahemپلاتفورماسی واسیطهسیله تورکیه و سوریه-ده زلزلهدن ضرر اینسانلار اوچون باشلادیلان یاردیم کامپانیاسیندا توپلانان یاردیمین مبلغی 355 میلیون 192 مین 630 ریالا (تخمینن 94 میلیون دولار) چاتیب.
کلمبیادا زلزله قوربانلاری اوچون قابلاشدیریلان باغلامالار تورکیه-نین بوگوتاداکی سفیرلیگی و تورک امکداشلیق و کووردیناسیون آژآنسینین (تیکا) امکداشلیغی ایله تورک هاوا یوللارینین یوک طیارهسی ایله فلاکت بؤلگهسینه گؤندریلیب.
نروژ حکومتی زلزلهدن ضرر چکنلر اوچون عاجیل یاردیم طیارهسی کیمی ایستیفاده ائدیلن حربی نقلیات طیارهسینی تورکیه-یه گؤندریب.
نروژ-ین زلزله قوربانلارینا دستکی ناتو-نون یورو-آتلانتیک فلاکتلره جاواب کووردیناسیون مرکزی طرفیندن تورکیه حاکمیت اورقانلاری ایله سیخ امکداشلیق چرچیوهسینده کووردیناسیون ائدیلیب.
ناتو-نون بیاناتینا گؤره، نروژ طرفیندن گؤندریلن "C-130J Hercules" نقلیات اوچاغی فوریهنین 13-ده ایلک طبی تخیله اوچوشونو حیاتا کئچیریب. بو اوچاق ایله زلزلهلرده یارالانان 28 نفر آدانادان آپاریلاراق آنکاراداکی خستهخانالارا چاتدیریلیب.
بوندان علاوه، هوللاندیا و اینگیلترهدن گلن آنالوژی اوچاق لارین دا تورکیه-ده زلزلهدن ضررچکنلره دستک اوچون چالیشدیغی قئید ائدیلیب.
ایلگیلیلی خبرلر
کروز گمیسی موغلانین بودروم شهرینه گلیب
باهاما آدالاری بایراقلی "استار لنجد" آدلی کروز گمیسی موغلانین بودروم شهرینه گلیب.