تورکیهده وطنداشلار قان باغیشلاما مرکزلرینه آخین ائدیر
قهرمان ماراش مرکزلی، زلزلهلردن سونرا قان احتیاجینی قارشیلاماق اوچون تورکیهده قورولان قان باغیشلاما مرکزلرینه وطنداشلار آخین ائتدی
قهرمان ماراش مرکزلی، ۱۰ آیری شهرده باش وئرهن زلزلهلردن سونرا قان احتیاجینی قارشیلاماق اوچون تورکیهده قورولان قان باغیشلاما مرکزلرینه وطنداشلار آخین ائتدی.
تورک قیزیل آیینین آنکارا بیلکنت شهر خستهخاناسینداکی قان وئرمه منطقهسینه گلن وطنداشلار، اوزون سیرالاردا گؤزلهیهرک قان وئریرلر.
ایستانبولدا دا وطنداشلار زلزلهلردن سونرا اولوشابیلهجک احتیاجی قارشیلاماق اوچون تشکیل ائدیلهن قان باغیشی کمپینینه بؤیوک ماراق گؤستریر.
ادیرنهده ایسه تورک قیزیل آیی قان باغیش مرکزی طرفیندن ۳ آیری نقطهده قان باغیشلاری قبول ائدیلیر. دونندن بری شهرده تخمیناً ۵۰۰ اونیته قان توپلاندی.
قیرخلارائلیده تورک قیزیل آیی قان باغیش مرکزی طرفیندن ۲ آیری نقطهده قان باغیشلاری قبول ائدیلیر. قان وئرمهیه گلن وطنداشلار طرفیندن آرا آرا قالابالیقلار اولوشور.
تکیرداغدا دا تورک قیزیل آیی قان باغیش مرکزی طرفیندن ۴ نقطهده قان باغیشلاری قبول ائدیلیر.
چاناققالادا جمهوریت میدانیندا قورولان سیار قان باغیش مرکزینه گلن چوخ ساییدا وطنداش قان وئرمک اوچون مراجعت ائتدی.
واندا دا قان وئرمه منطقهلرینه گلن وطنداشلار، زلزله بؤلگهسیندهکی قان احتیاجینین قارشیلانماسینا قاتقی وئرمک اوچون سیرایا گیریر.