چاووش‌اوغلو: پومپئونون کیتابی گئرچک اولمایان بیلگیلرله دولو
«آمریکا بیرلشمیش دؤولتلری، پومپئونون، خاریجی ایشلر باخانی اولدوغو دؤنمده ی‌پ‌گ/پ‌کاکا ایله بیرلیکده داعش عضولرینی افغانیستانا گؤندردی. بو گون افغانیستان‌دا تؤره‌دیله‌ن ترور سالدیریلارینین سببی ده بونلاردیر»
خاریجی ایشلر باخانی مؤولود چاووش‌اوغلو، آمریکا بیرلشمیش دؤولتلرینین گئچمیش خاریجی ایشلر باخانی مایک پومپئونون کیتابینین «گئرچک اولمایان بیلگیلر» ایله دولو اولدوغونو بیلدیردی.
مؤولود چاووش‌اوغلو، باشکند آنکارادا تایلند باشباخانی یاردیمچیسی و خاریجی ایشلر باخانی دون پرامودوینای ایله تورکیه-تایلند ایکینجی باورتاق فعالیت پلانینین ایمضا مراسیمینده، مایک پومپئونون کیتابی حاقین‌دا دانیشدی.
چاووش‌اوغلو، پومپئونون کیتابیندا چوخ ساییدا «حقیقت اولمایان بیلگی» اولدوغونو بیلدیردی.
پومپئونون، بؤلوجو ترور هؤرگوتو پ‌کاکا/ی‌پ‌گ ایله اؤنجه‌کی آمریکا بیرلشمیش دؤولتلری باشقانی دونالد ترامپ دؤورونده باغلانتییا گیردیکلری یولونداکی ایفاده‌لرینین حقیقتی عکس ائتدیرمه‌دیگینی بیلدیرن چاووش‌اوغلو،
«پ‌کاکا/ی‌پ‌گ ایله آمریکا بیرلشمیش دؤولتلرینین عباغلانتیسی گئچمیش آمریکا باشقانلاریندان باراک اوبامانین دؤورونده باشلادی» دئدی.
مایک پومپئونون کیتابیندا، تورکیه‌نین ترور هؤرگوتو داعشله موباریزه‌سینه توخوندوغونو وورغولایان باخان چاووش‌اوغلو:
«داعشه قارشی اۆز اۆزه موباریزه ائدن تک اوردو تورک اوردوسودور. ۴۵۰۰دن چوخ تروریستی بیز اورتادان قالدیردیق. هم سوریه‌داه، هم ده عراق‌دا…» شکلینده دانیشدی.
چاووش‌اوغلو،
«آمریکا بیرلشمیش دؤولتلری، پومپئونون، خاریجی ایشلر باخانی اولدوغو دؤنمده ی‌پ‌گ/پ‌کاکا ایله بیرلیکده داعش عضولرینی افغانیستانا گؤندردی. بو گون افغانیستان‌دا تؤره‌دیله‌ن ترور سالدیریلارینین باعثی ده بونلاردیر» دئدی.
پومپئونون کیتابیندا، تورکیه‌ده ۱۵ جولای ۲۰۱۶داکی چئوریلیش گیریشیمینین پۆسکورتولدوگونو گؤسترن ویدئولاردان راحاتسیز اولمدوغو ایله باغلی ایفاده‌لره ده توخونان چاووش‌اوغلو،
«بو فتح‌الله‌چی ترور هؤرگوتو (فئتؤ) او گئجه ۲۵۱ وطنداشیمیزی شهید ائتدی و پومپئونون دا او گئجه داها سونرا سیلدیگی بیر توییتی وار. باشا دوشوروک کی، پومپئو چئوریلیش گیریشیمینی دستکله‌میشدیر. او گؤرونتولر چئوریلیشین نئجه باشلادیغینی و تورک میللتینین چئوریلیشی نئجه مغلوب ائتدیگینی گؤستریر. دوشونوره‌م کی، (پومپئو) تورک میللتینین او چئوریلیشچیلری مغلوب ائتمه‌سیندن راحاتسیز اولموش» ایفاده‌سینی ایشلتدی.
