تورکیه برزیلیادا زوراکیلیق حادثه لرینی پیسلهییب
تورکیه برزیلیا-دا پرزیدنت لوئیس ایناسیو لولا داسیلوانین رهبرلیک ائتدیگی حکومته کنگره و آنایاسا محکمهسینه قارشی زوراکیلیق حادثه لرینی پیسلهییب.
تورکیه برزیلیا-دا پرزیدنت لوئیس ایناسیو لولا داسیلوانین رهبرلیک ائتدیگی حکومته کنگره و آنایاسا محکمهسینه قارشی زوراکیلیق حادثه لرینی پیسلهییب.
تورکیه خاریجی ایشلر ناظیرلیگیندن وئریلن یازیلی آچیقلامادا برزیلیادا خالقین ایرادهسینی عکس ائتدیرن سئچکیلرین نتیجهلرینه و دموکراتیک پروسه لره حؤرمتله یاناشماغین واجیب اولدوغو وورغولانیب.
آچیقلامادا تورکیه-نین یوخاریدا قئید اولونان حرکتلر قارشیسیندا پرزیدنت لوئیس ایناسیو لولا داسیلوا حکومتی و برزیلیا خالقی ایله دایانیشما ایچریسینده اولدوغو وورغولانیب:
"برزیلیادا پرزیدنت لوئیس ایناسیو لولا داسیلوانین رهبرلیک ائتدیگی حکومته، کنگره و آنایاسا محکمهسینه قارشی زوراکیلیق آکتلارینی پیسلییریک".
قئید ائدک کی، ژانویهنین 8-ده برزیلیادا اوردونون موداخیلهسینی طلب ائدن شعارلار سسلندیرن کئچمیش پرزیدنت ژایر بولسونارونون طرفدارلاری پولیس مانع لرینی کئچهرک میللی کنگره بیناسینا داخیل اولوبلار.
اعتیرازچیلاری داغیتماق اوچون گؤزیاشاردیجی گاز ایله موداخیله ائدن پولیس قروپلارین پرزیدنت سارایی و عالی محکمه بیناسینا زورلا داخیل اولماسینا مانع اولا بیلمهییب.
میللی کنگره و پرزیدنت سارایینا باسقین ائدن بولسونارو طرفدارلاری تهلوکهسیزلیک قوهلری طرفیندن بو بینالاردان چیخاریلاراق توتولوب گؤتورولوب.
ایلگیلیلی خبرلر
هاکان فیدان، آنتونی بلینکن ایله تلفوندا دانیشیب
الده ائدیلن معلوماتا گؤره، گؤروشده غزهدهکی سون حادثهلر و اوکراینداکی وضعیت موذاکیره ائدیلیب
پکاکالی ۱۲ تروریست ضررسیزلشدیریلدی
"بؤلگهده تک بیر تروریست قالمایینجایا قدر سۆرهکلی عملیاتلارا داوام ائدجییک"