پاکیستان سنا مجلیسی اردوغانی نوبل اؤدولونه نامیزد گؤستردی

پاکیستان سنا مجلیسینین باشقانی محمد صادق سنجرانی روسیا-اوکراینا ساواشی سیراسیندا گؤستردیگی چابالارا گؤره جمهورباشقانی رجب طیب اردوغانی نوبل باریش اؤدولونه نامیزد گؤستردیکلرینی بیلدیردی.

صادق سنجرانی پاکیستان خالقی و سناسی آدیندان وئردیگی یازیلی آچیقلامادا، ۲۴ فوریه‌دن بری داوام ائد‌ن روسیا-اوکراینا ساواشی پروسه‌سینده گؤستردیگی چابالارا گؤره جمهورباشقانی اردوغانی نوبل باریش اؤدولونه نامیزد گؤستردیکلرینی ایفاده ائتدی.

بو ساواشین بوتون دونیا اوچون ییخیملا نتیجه‌لنه‌بیله‌جک "نۆوه تهدید" نقطه‌سینه چئوریلدیگینه دقت چکه‌ن سنجرانی، اردوغانین بؤیوک چابالاری و هر ایکی طرفه واختیندا و تاثیرلی موداخیله‌لری ایله تک باشینا کۆره‌سل بیر فاجعه‌نین قارشیسینی آلدیغینی بیلدیردی.

سنجرانی، تاخیل دهلیزی آنلاشماسی ایله بؤلگه‌نین ییخیجی بیر آجلیق‌دان قورتولدوغونا دقت چکه‌رک، اردوغانین گئرچک بیر دؤولت آدامی اولدوغونو، تکجه اؤز اؤلکه‌سینین دئییل، بؤلگه‌نین و دونیانین رفاهی اوچون چالیشان خالق لیدئری اولدوغونو وورغولادی.

اردوغانین تکجه اؤلکه‌سی و یا بؤلگه‌سی اوچون دیرلی لیدئرلیگینی اثبات ائتمکله قالمادیغینی بیلدیره‌ن سنجرانی، جمهورباشقانی اردوغانین محمد پیغمبرین بوتون اینسانلیغا باریش، خوش‌گؤرو و سئوگی اؤیرتیلرینی داشیدیغینا ایشاره ائتدی.

صادق سنجرانی، اردوغانین ایسلام تعلیملری ایله باغلی یانلیش آنلامالاری آرادان قالدیرماغا داوام ائتدیگینی و بوتون اینسانلارین حاقلارینی برابر شکیلده مدافعه ائتدیگینی وورغولایاراق، جمهورباشقانی اردوغانی نوبل باریش اؤدولونه نامیزد گؤسترمک‌دن ممنون اولدوقلارینی قید ائتدی.