"تۆرکیه دونیادا اؤنملی بیر گوجدور"
آکار: تۆرک سلاحلی گۆجلری، ایمکان و قابلیتلری ایله دونیانین ساییلی اوردولاریندان بیرینه چئوریلدی
میللی ساوونما باخانی حولوصی آکار، تۆرک سلاحلی گۆجلرینین صاحیب اولدوغو ایمکان و قابلیتلرله دونیانین ساییلی/نادیر اوردولاریندان بیرینه چئوریلدیگینی وورغولادی.
غازی آنتپ‌ده شهرین قورتولوشونون ۱۰۱-جی ایل دؤنومو موناسیبتی ایله گئچیریله‌ن تدبیرده دانیشان حولوصی آکار، اولوسلارآراسی ایلیشکیلرده اؤزنه/فاعل حالینا گلن و تأثیر دایره‌سی هر گئچن گون گئنیشله‌ین تۆرکیه‌نین دونیادا اؤنملی بیر گوج اولدوغونو بیلدیردی.
تۆرکیه‌نین اؤزللیکله سون دؤنمده روسیا-اوکراینا ساواشینین سونا چاتماسی و آتیش‌کسین تامین ائدیلمه‌سی اوچون آکتیو بیر دیپلوماسی اورتایا قویدوغونو بیلدیره‌ن باخان آکار، تۆرکیه‌نین دونیانی تهدید ائد‌ن ارزاق بحرانینین آرادان قالدیریلماسی اوچون تاخیل داشینماسینین ایمضالانماسی و اوزادیلماسینا بؤیوک قاتقی وئردیگینی قید ائتدی.
یونانیستانین هر گئچه‌ن گون یئنی گرگینلیکلره سبب اولدوغونا دقت چکه‌ن آکار، تۆرکیه‌نین بؤلگه‌ده باریش و ثابتلیک اوچون چابا گؤستردیگینی بیلدیررک، یونانیستانین استقرارسیزلیغی آلوولاندیران بیر توتومونون اولدوغونو دئدی.
آکار،
"قیبریسدا، اژه‌ده ودوغو آغ دنیزده دیالوگا آچیق اولماقلا بیرلیکده، هئچ بیر "اولدو بیتدی" ایشینه ایجازه وئرمه‌دیک. بوندان سونرا دا وئرمه‌یه‌جییک. اؤزوموزون و قیبریسلی قارداشلاریمیزین حاق و منفعتلرینی قوروماقدا عزملی و قرارلیییق" دئدی.
تۆرک سلاحلی گۆجلرینین ایمکان و قابلیتلری ایله دونیانین ساییلی اوردولاریندان بیرینه چئوریلدیگینی وورغولایان میللی ساوونما باخانی:
"قهر‌مان اوردوموز، تهلوکه هارادان گلیرسه گلسین، اؤلکه‌میزین و اصیل میللتیمیزین تهلوکسیزلیگینی تامین ائتمه عزمینده‌دیر" ایفاده‌لرینی ایشلتدی.
