"بو اؤلکه‌دن بو جغرافیادان یوخ اولوب گئده‌جکلر"
میللی ساوونما باخانلیغی: ایستانبولدا سوچسوز مۆلکی وطنداشلاری هدف آلان تروریستلر بو سالدیرینین بدلینی اؤده‌یه‌جکلر
میللی ساوونما باخانلیغی ایستانبولون ایستیقلال جاده‌سینده تؤره‌دیله‌ن ترور سالدیریسینین بدلینین اؤده‌تیله‌جگینی آچیقلادی.
بازار گونو تقسیم‌ده ایستیقلال جاده‌سینده باش وئره‌ن پاتلاما‌دا ۶ نفر حیاتینی ایتیرمیش ۸۱ نفر یارالانمیشدی.
میللی ساوونما باخانلیغی، بو سالدیرینین قارشیلیقسیز قالمایاجاغینی وورغولایاراق، بو ایفاده‌لری ایشلتدی:
"قهر‌مان تۆرک عسگرینین قارشیسینا چیخماغا جسارت ائده‌بیلمه‌ین، زاب‌دا عراقین و سوریه‌نین قوزئیینده کۆنجه سیخیشدیریلان، آلچاقلیقدا سرحد تانیمادیغینی بیر چوخ کز بۆتون دۆنیایا گؤسترن، آزمیش بیر ترور هؤرگوتو اولان پ‌کاکا/ی‌پ‌گ باشدا اولماق اۆزره ترور هؤرگوتلرینین اینسانلیق دۆشمنی، خالق دۆشمنی اولدوغونو گؤرممه‌مکده اصرار ائدنلر وار.ترورون ان آجیماسیز یولونو قوللاناراق ایستانبولدا سوچسوز مۆلکی وطنداشلاری هدف آلان تروریستلر بو سالدیرینین بدلینی اؤده‌یه‌جکلر. بو اؤلکه‌دن بو جغرافیادان یوخ اولوب گئده‌جکلر".
