آمریکا و روسیا استخبارات تشکیلاتی باشقانلاری تورکیه‌ده گؤروشدو
''روسیا خاریجی استخبارات سرویسینین باشقانی ایله آمریکا مرکزی استخبارات اتشکیلاتی باشقانینین تورکیه‌ده گؤروشدوگونو تایید ائدیریک"
تورکیه‌نین باشکندی آنکارادا میللی استخبارات تشکیلاتینین قرارگاهیندا روسیا خاریجی استخبارات سرویسی باشقانی سرگئی ناریشکین ایله آمریکا مرکزی استخبارات تشکیلاتی باشقانی ویلیام برنزون گؤروشمه‌سی اولدو.
بو باره‌ده تورکیه جمهورباشقانلیغی ایله‌تیشیم باشقانی فخرالدین آلتون بیلگی وئردی.
فخرالدین آلتون:
''روسیا خاریجی استخبارات سرویسینین باشقانی ایله آمریکا مرکزی استخبارات اتشکیلاتی باشقانینین تورکیه‌ده گؤروشدوگونو تایید ائدیریک. بو گؤروشمه تورکیه و جمهورباشقانی رجب طیب اردوغانین کۆره‌سل باریشا وئردیگی اؤنملی قاتقیلارا بیر یئنیسینی علاوه ائدیر" دئدی.
آسوشیتد پرس آژانسینا موصاحیبه وئره‌ن فخرالدین آلتون:
''توپلانتیدا نۆوه سلاحلارین ایستیفاده‌سی باشدا اولماقلا اولوسلارآراسی تهلوکه‌سیزلیگه تهدید یارادان مسئله‌لر موذاکیره اولوندو. داها اول اوکراینا و روسیانین خاریجی ایشلر باخانلارینی بیر آرایا گتیره‌ن و تاخیل آنلاشماسیندا آراچی اولان تورکیه باریشین تامین اولونماسی اوچون بوتون طرفلرله دانیشیقلاری داوام ائتدیره‌جک'' ایفاده‌سینی ایشلتدی.
ایلگیلی‌لی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-ده‌کی سون وضعیتی موذاکیره ائدیب‌لر.
