اردوغان بمت تهلوکه‌سیزلیک شوراسیندا اصلاحات‌لار ایله باغلی چاغیریشینی تکرارلاییب
جمهور باشقانی رجب طیب اردوغان بیرلشمیش میللت‌لر تشکیلاتی‌نین (بمت) تهلوکه‌سیزلیک شوراسیندا اصلاحات‌لار ایله باغلی چاغیریشینی تکرارلاییب.
جمهور باشقانی رجب طیب اردوغان بیرلشمیش میللت‌لر تشکیلاتی‌نین (بمت) تهلوکه‌سیزلیک شوراسیندا اصلاحات‌لار ایله باغلی چاغیریشینی تکرارلاییب.
جمهور باشقانی اردوغان 24 اوکتبر بمت گونو و بمت-نین یارانماسی‌نین 77-جی ایلدؤنومو موناسیبتیله مئساژ یاییب.
جمهور باشقانی اردوغان بیان ائدیب کی، تورکیه بمت چرچیوه‌سینده باریش و تهلوکه‌سیزلیک، اینسان حاق‌لاری و داواملی اینکیشاف ساحه‌لرینده آپاریلان ایشلره ان کونکرت تحفه لر وئرن و آپاریجی رول اوینایان اؤلکه‌لردن بیری‌دیر.
دؤولت باشچی‌سی بمت-نین عمومی بودجه‌سینه تحفه وئرن ایلک 20 اؤلکه‌دن بیری اولماقلا یاناشی، ایستانبولون بمت-نین مرکزی اولماسی ایستیقامتینده سعی‌لر چرچیوه‌سینده بمت-نین موختلیف تشکیلات و آژانس لارینین بولگه‌سل قرارگاه‌لارینا دا ایستانبولدا ائو صاحیب‌لیگی ائتدیک‌لرینی خاطیرلادا‌راق دئییب:
"بمت-نین باش کاتیبی جناب آنتونیو گوترش ایله امکداش‌لیق چرچیوه‌سینده گؤستردیگیمیز سعی‌لر نتیجه‌سینده اوکراینا تاخیلی‌نین قارا دنیز اوزریندن دونیایا داشینماسینا رهبرلیک ائتدیک. ایستانبول موقاویله‌سی چرچیوه‌سینده بو گونه قدر 8 میلیون تون‌دان چوخ تاخیل و اوخشار محصول‌لار تداروک ائتمیشیک. داشینمانین فاصیله‌سیز داوام ائتمه‌سینی تامین ائتمک اوچون دیپلوماتیک تماس‌لاریمیزی جدی بیر شکیلده داوام ائتدیریریک.
جمهورباشقانی اردوغان قلوبال باریش و امین-آمان‌لیغی تهدید ائدن ایسلام دوشمنچیلیگی و عیرقچی‌لیکله موباریزه‌ده فرق یاراتماغا چالیشدیق‌لارینی و 15 مارسین بمت عمومی ایجلاسی طرفیندن اولوسلار آراسی ایسلام دوشمنچیلیگی ایله موباریزه گونو اعلان ائدیلمه‌سینه رهبرلیک ائده‌رک بو ایستیقامتده مهم آددیم آتدیق‌لارینی وورغولاییب.
"نیفرت موحیطی‌نین سوسیال باریشی زهرلمه‌مه‌سی اوچون هم بمت سویه‌سینده، هم ده ایکی طرف‌لی شکیلده سعی‌لریمیزی داوام ائتدیرجییک. آیدین‌دیر کی، بمت هر گون مین‌لرله گوناه‌سیز اینسانین حیاتینا سون قویان بحران‌لارین حلینده داها فعال رول گؤتورمه‌لی‌دیر. داها دموکراتیک، شفاف و افکتیو بیر تهلوکه‌سیزلیک شوراسی اولوسلار آراسی توپلومون عمومی گؤزلنتی‌سی‌دیر.بیز بوندان سونرا دا بمت تهلوکه‌سیزلیک شوراسی‌نین گوجلو طرفداری و ساوونوجوسو اولماغا داوام ائدجییک. بو دوشونجه‌لرله اؤلکه‌میزین قوروجو عضو‌لریندن بیری اولدوغو بیرلشمیش میللت‌لر تشکیلاتی‌نین 77-جی ایلدؤنومونو قئید ائدیر و بمت-نین ایشی‌نین قلوبال باریشا تحفه وئرجگینه اومید ائدیریک"، -دئیه جمهور باشقانی اردوغان ایفاده ائدیب.
ایلگیلی‌لی خبرلر
پ‌کاکا‌لی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"
۴ تروریست تاثیرسیز حالا گتیریلدی
بیت الشباپ چؤلونده بؤلوجو ترور تشکیلاتی منسوبو تروریستلرله ایستی تماس تامین ائدیلدی
