عادل کارا اسماعیل اوغلو: "اوکراینا لیمانلاریندان‌ 354 گمی یولا دوشوب"

قارا دنیزده یارادیلان تاخیل دهلیزی چرچیوه‌سینده آوقوستون 1-دن اوکتبرین 18-دک اوکراینا لیمانلاریندان‌ 354 گمی‌نین یولا دوشدوگو و بو گونه قدر داشینان یوک‌لرین عمومی حجمی‌نین 7 میلیون 860 مین تونو کئچدیگی بیلدیریلیب.

نقلیات و آلت یاپی ناظیری عادل کارا اسماعیل اوغلو وئردیگی یازیلی آچیقلامادا اوکراینا ایله روسیا آراسیندا فوریه‌نین 24-دن بو یانا داوام ائدن ساواش زامانی دونیادا ارزاق بحرانی یاشاندیغینی خاطیرلادا‌راق، بحرانین حل اولوندوغونو، دهلیزین تورکیه-نین پرزیدنتی رجب طیب اردوغانین رهبرلیگی ایله حیاتا کئچیردیگی اوغورلو دیپلوماتیا نتیجه‌سینده یارادیلدیغینی ایفاده ائدیب.

کارا اسماعیل اوغلو تاخیل دهلیزی چرچیوه‌سینده 1 آوقوست-18 اوکتبر تاریخ‌لرینده اوکراینانین اودسا، چورنومورسک و یوژن شهرلرینده‌کی لیمان‌لاردان جمعی 354 گمی‌نین یولا دوشدوگونو بیلدیریب.

"گمی‌لر آرپا، بوغدا، سویا، گونباخان اونو، بوغدا که‌په‌یی ، نوخود، گونباخان تومو، ایشلنمیش قاریشیق قیدا، شکر چوغوندورو، گونباخان یاغی، کانولا توخومو، قارغیدا‌لی و سویا یاغی داخیل اولماقلا 13 موختلیف نوع یوک داشیییب"، -دئیه ناظیر قئید ائدیب.

بو گونه کیمی داشینان یوک‌لرین عمومی حجمی‌نین 7 میلیون 860 مین تونو کئچدیگینی وورغولایان نقلیات ناظیری دئییب:

"یوک‌لرین 13 فایزی افریقایا، 23 فایزی آسیایا، 47 فایزی آوروپایا داشینیب. تورکیه استثنا اولماقلا، آوروپا قاره سینده ان چوخ یوک ایسپانیا، ایتالیا و هوللاندیایا داشینیب.