تورکیهدن ولفگانگ کوبیکینین سؤزلرینه قیناما
"آلمانیا فدرال پارلمانی باشقان یاردیمچیسی ولفگانگ کوبیکینین سایین جمهورباشقانیمیز حاقیندا سؤیلهدیگی حقارت احتیوا ائدن ایفادهلری ان کسکین شکیلده قیناییریق"
تورکیه، آلمانیا فدرال پارلمانی باشقان یاردیمچیسی ولفگانگ کوبیکینین جمهورباشقانی رجب طیب اردوغانلا باغلی سؤزلرینی قینادی.
خاریجی ایشلر باخانلبیغی سؤزچوسو تانژو بیلگیچ، کوبیکینین سئچیم کمپینی چرچیوهسینده ائتدیگی دانیشمادا، جمهورباشقانی اردوغانلا باغلی سؤزلری حاقینداکی سوالا وئردیگی یازیلی جاوابدا:
"آلمانیا فدرال پارلمانی باشقان یاردیمچیسی ولفگانگ کوبیکینین آشاغی ساکسونیا ایالت سئچیم کمپینی چرچیوهسینده دانیشماسیندا، سایین جمهورباشقانیمیز حاقیندا سؤیلهدیگی حقارت احتیوا ائدن ایفادهلری ان کسکین شکیلده قیناییریق" ایفادهلرینی ایشلتدی.
کوبیکینین بو قبول ائدیلمز سؤزلرینین پارلمان باشقان یاردیمچیلیغی قونومونا یاراشمادیغی کیمی سیاسی اخلاق و سوروملولوقدان دا یوخسون اولدوغونو وورغولایان بیلگیچ، بو یاراشیقسیز سؤزلرین اصلینده کوبیکینین سیاسی و اخلاقی سویهسی حاقیندا فیکیر وئردیگینی و اونون دگرسیزلیگینی اورتایا قویور.
بیلگیچ،
"بو مسئله ایله باغلی سرت تپکیمیز بو گون باخانلیغیمیزا چاغیریلان آلمانیانین آنکاراداکی ائلچیسینه ده بیلدیریلمیشدیر" ایفادهسینی ایشلتدی.