اردوغان: گئچمیشده ده بو فیلمی گؤردوک
"یونانیستانا قارشی اؤلکهمیزین حاق و منفعتلرینی، الیمیزده اولان بوتون امکانلاردان ایستیفاده ائدرک ساووناریق"
جمهورباشقانی رجب طیب اردوغان،
"یونانیستانا قارشی اؤلکهمیزین حاق و منفعتلرینی، الیمیزده اولان بوتون امکانلاردان ایستیفاده ائدرک ساووناریق" دئدی.
جمهورباشقانی اردوغان جمهورباشقانلیغی مجتمعینده باخانلار قورولو توپلانتیسیندان سونرا خالقا سسلندی.
"یونانیستانین تحریک سیاستلرینی عیبرتله تعقیب ائدیریک" دئین اردوغان،
"یونان سیاستچیلری تحریک ائدرک اۆستوموزه سالانلارین اصل نیتینین، بؤیوک و گۆجلو تۆرکیهنین قورولماسی پروگرامیمیزا انگللهمک اولدوغونو بیلیریک" ایفادهلرینی ایشلتدی. اردوغان،
"یونانیستانین گلن عصرینین دؤرددهبیرینی گیروو آلان، اقتصادی و سیاسی آسیلیلیقلار بیزی دئییل، اصل یونان خالقینی تهدید ائدیر. تۆرکیه اولاراق گئچمیشده ده بو فیلمی گؤردوک، حل ائتدیک، او دفتری باغلادیق و اؤزوموزه یئنی بیر یول چکدیک. ایندی یونانیستانین گؤز گؤره گؤره بنزر بیر فاجعهیه سۆروکلهنمهسینه بیر قونشو اولاراق اورکدن تأسفلهنیریک" شکلینده دانیشدی.
یونانیستانین هر یئرینده ائدیلن ایشغالا بنزر خاریجی حربی ییغیناقلارین تۆرکیهنی دئییل، اصل یونان خالقینی راخاتسیز ائتمهلی اولدوغونو بیلدیرن اردوغان،
"نه او حربی ییغیناقلار نه ده او سیاسی و اقتصادی دستکلر یونانیستانی بیزیم سویهمیزه یوکسلتمک اوچون کیفایت ائتمیر، آنجاق یونانیستانی باتاقلیغا سۆروکلهمک اوچون کیفایتدیر. یونانیستانا قارشی اؤلکهمیزین حاق و منفعتلرینی، الیمیزده اولان بوتون امکانلاردان ایستیفاده ائدرک ساووناریق. بو (یونانیستانین تخریباتلاری)، یونان سیاستچیلر، یونان دؤولتی، یونان خالقی هم ده اونلاردان اویونجاق کیمی ایستیفاده ائدنلر اوچون تهلوکهلی بیر اویوندور" دئیه دانیشدی.