بوگون ۳۰ آگوست ظفر بایرامی
بؤیوک ظفرین ۱۰۰.جو ایلی سببی ایله باشکند آنکاراداکی جهورباشقانلیغیندا ۹۱۳ موسیقیچینین کونسرت وئرجگی اؤزل بیر پروگرام تشکیل ائدیله‌جک
بو گون، ۳۰ آگوست ظفر بایرامی و تورک سلاحلی گوجلری گونو.
بؤیوک اؤندر مصطفی کمال آتاتورک امرینده‌کی تورک اوردوسونون، ۲۶ جولای ۱۹۲۲ده باشلایان و ۳۰ آگوست‌دا ظفرله بیتردیگی بؤیوک تعرض و باش قوموتانلیق میدان محاربه‌سینین ۱۰۰.جو ایل دؤنومو، یورددا، قوزئی قیبریس تورک جمهوریتی و خاریجی نماینده‌لیکلرده موختلیف فعالیتلرله قوتلانیر.
بؤیوک ظفرین ۱۰۰.جو ایلی سببی ایله باشکند آنکاراداکی جهورباشقانلیغیندا ۹۱۳ موسیقیچینین کونسرت وئرجگی اؤزل بیر پروگرام تشکیل ائدیله‌جک.
۳۰ آگوست ظفر بایرامی ایستانبول‌دا تقسیم میدانیندا، ایزمیرده ایسه جمهوریت میدانیندا تشکیل ائدیله‌ن مراسیملرله قوتلانیر.
آنتالیادا بایرام سببی ایله هاوالیمانین‌دا یولچو سالونلاری، قیرمیزی آغ بالونلارلا بزه‌ندی. ترمینال‌دا اوپئرا صنعتچیلری اورکستر ایله میللی مارشلاری سسلندیررکه‌ن، فولکلور قروپو رقصلری ایله صحنه آلدی.
مرسین‌ده، ۳۰ آگوست ظفر بایرامی قوتلامالاری پروگراملاری چرچیوه‌سین‌ده، رئسپوبلیکا آلانیندا مراسیم تشکیل ائدیلدی.
۳۰ آگوست ظفر بایرامی و تورک سلاحلی گوجلری گونو سببی ایله آذربایجانین باشکندی باکی‌داکی تورک شهیدلیگینده ده تؤره‌ن تشکیل ائدیلدی.
