چاووش‌اوغلو: تل‌آویوه ائلچی تعیین ائده‌جییک

خاریجی ایشلر باخانی مؤولود چاووش‌اوغلو، تورکیه‌نین اسرائیلین باشکندی تل‌آویوه ائلچی تعیین ائده‌جگینی بیلدیردی.

مؤولود چاووش‌اوغلو، قیرقیزیستانین خاریجی ایشلر باخانی جئن‌بک کولوبایئوله گؤروشمه‌لرینیدن سونرا باشکند آنکارادا گئچیریله‌ن اورتاق مطبوعات کنفرانسیندا دانیشدی.

اسرائیلله ایلیشکیلره توخونان چاووش‌اوغلو، بو اؤلکه ایله تورکیه آراسیندا قارشیلیقلی ائلچی آتانماسی قرارینین آلیندیغینی آچیقلادی.

اسرائیلده یئنی حکومتین ایشه باشلاماسیندان سونرا بیر دیالوگ پروسه‌سینین باشلادیغینی خاطیرلادان چاووش‌اوغلو:

"ایلیشکیلرین نورماللاشماسی ایله باغلی آتاجاغیمیز آددیملاردان بیری ده ائلچیلرین آتانماسی اولاجاق. بو مسئله ایله باغلی داها اؤنجه ایشه باشلادیغیمیزی آچیقلامیشدیق. اسرائیل‌دن مثبت بیر آددیم گلدی. تورکیه اولاراق اسرائیله ائلچی تعیین ائتمه قرارینا گلدیک" دئدی.

مؤولود چاووش‌اوغلو آیریجا "فیلیسطینین حاقلارینی ساوونماغا داوام ائدجییک" دئدی.

اسرائیل باشباخانی یائیر لاپیدین دفتریندن بو گون وئریلن آچیقلامادا دا اسرائیلین تورکیه ایله تام دیپلوماتیک باغلارینی یئنیدن قوراجاغی و ایلیشکیلرین تام شکیلده نورماللاشاجاغی بیلدیریلدی.