اردوغان: هئچ کیمدن ایجازه آلماغا احتیاجیمیز یوخدور
"عبدالحمید خان سونداژ گمیمیز تورکیه‌نین انرژی ساحه‌سینده‌کی یئنی باخیشینین سمبلودور. ۴ سونداژ گمیمیز و ۲ سیسمیک آراشدیرما گمیمیزله آرتیق بیز ده بو ساحه‌ده واریق"
جمهورباشقانی رجب طیب اردوغان، آغ‌دنیزده آپاریلاجاق سونداژ ایشلری ایله باغلی،
"آغ‌دنیزده آپاردیغیمیز آختارما و قازما ایشلری اؤز حاکمیت ساحه‌لریمیزده‌دیر. بونون اوچون هئچ کیمدن ایجازه آلماغا احتیاجیمیز یوخدور" دئدی.
جمهورباشقانی اردوغان، مرسین تاش‌اوجو لیمانیندا عبدالحمید خان سونداژ گمی‌سینی ایلک گؤره‌و یئرینه یولا سالما مراسیمینه قاتیلدی.
جمهورباشقانی اردوغان مراسیمده‌کی دانیشماسیندا،
"عبدالحمید خان سونداژ گمیمیز تورکیه‌نین انرژی ساحه‌سینده‌کی یئنی باخیشینین سمبلودور. ۴ سونداژ گمیمیز و ۲ سیسمیک آراشدیرما گمیمیزله آرتیق بیز ده بو ساحه‌ده واریق" ایفاده‌لرینی ایشلتدی.
گلن ایل قارادنیز طبیعی گازینی خالقین خیدمتینه وئرمه‌یی پلانلاشدیردیقلارینی ایفاده ائد‌ن اردوغان:
"قارا دنیز گازینین بیرینجی مرحله‌سی اوچون لازیم اولان ۱۰ قویوداکی ایشلملری باشا چاتدیراراق، بورادان گله‌جک طبیعی گازی ۲۰۲۳-.جو ایلده خالقیمیزین خیدمتینه وئرمه‌یی پلانلاشدیریریق" دئدی.
جمهورباشقانی اردوغان، آغ‌دنیزین‌ده آپاریلاجاق قازما ایشلری ایله باغلی،
"آغ‌دنیزده آپاردیغیمیز آختارما و قازما ایشلری اؤز حاکمیت ساحه‌لریمیزده‌دیر. بونون اوچون هئچ کیمدن ایجازه آلماغا احتیاجیمیز یوخدور" دئدی.
جمهورباشقانی،
"عبدالحمید خان گمیمیزی ۵۵ کیلومتر اوزاقلیقدا (آنتالیانین غازی‌پاشا ائلچه‌سیندن) یؤروکلر-۱ قویوسونا گؤندرجییک. یؤروکلر-۱ قویوسو دوغو آغ‌دنیزده‌کی جامع ایش پلانیمیزین ایلک آددیمیدیر" ایفاده‌لرینی ایشلتدی.
داها سونرا عبدالحمید خان گمیسی ایلک گؤره‌وی اوچون یولا سالیندی.
