تۆرکیه‌دن عراقین قوزئیینده‌کی سالدیری ایله باغلی آچیقلاما
"تۆرکیه حقیقتین اۆزه چیخارماسی اوچون هر جور آددیمی آتماغا حاضردیر"
تۆرکیه مولکی شخصلری هدف آلان هر جور سالدیرییا قارشی اولدوغونو بیلدیردی.
خاریجی ایشلر باخانلیغی، عراقین دوهوک ویلایتینین زاخو ائلچه‌سینده بیر چای قیراغیندا تؤره‌دیله‌ن و ۸ نفرین حیاتینی ایتیردیگی، ۲۳ نفرین یارالاندیغی سالدیرییلا باغلی آچیقلاما وئردی.
آچیقلامادا دئییلیر:
"بو الیم حادثه‌ده حیاتینی ایتیره‌نلره الله‌دان رحمت دیله‌ییر، یاخینلاری باشدا اولماق اۆزره دوست و قارداش عراق خالقینا و حکومتینه باش‌ساغلیغی وئریر، یارالیلارا ساغلیق دیله‌ییریک.
تۆرکیه مولکی شخصلری هدف آلان هر جور سالدیرییا قارشیدیر. تۆرکیه ترورلا موباریزه‌سینی، اولوسلارآراسی حقوقا اویغون اولاراق، مولکی اهالینین، نظامی اولمایان آلت یاپینین، تاریخی-مد‌نی وارلیقلار ایله طبیعتین قورونماسینا سون درجه حساسیت گؤستررک یئریتمکده‌دیر.
سوچسوز اینسانلاری هدف آلان و ترور هؤرگوتلریندن قایناقلاندیغی دگرلندیریلن بو جور سالدیریلارلا اؤلکه‌میزین ترورلا موباریزه‌ده‌کی حاقلی و عزملی توتومونون هدفه آلدیندیغی قیمتلندیرمکده‌دیر.
تۆرکیه حقیقتین اۆزه چیخارماسی اوچون هر جور آددیمی آتماغا حاضردیر".
اؤته یاندان، گۆونلیک قایناقلاری سالدیرینین تروریستلر طرفیندن تشکیل ائدیلدیگینی بیلدیردی.
بؤلوجو ترور هؤرگوتو پ‌کاکا/کاج‌کانین سوچسوز دینج ساکینلری هدف آلدیغی، بؤلگه اهالیسینین کندلرینه، تارلالارینا، باغلارینا گئده‌بیلمه‌دیگی حقیقتلری بیلینیرکن بو جور خبرلرین دقتلری یایین‌دیرماق، آلقی اولوشدورماق اوچون قصداً و یانلی اولاراق یایینلاندیغینی وورغولایان قایناقلار، سؤزو گئدن حادثه‌نین تروریستلر طرفیندن تشکیل ائدیلدیگینین آیدینلاشدیغینی ایفاده ائتدی.
