اردوغان: تورکیه، یانلیش گئدیشه "دور" دئمه چاباسی ایچینده
جمهورباشقانی اردوغان، آتاتورک هاوا لیمانیندا تشکیل ائدیلهن ایستانبولون فتحینین ۵۶۹.جو ایلی قوتلامالاری تؤرهنینده دانیشدی
جمهورباشقانی رجب طیب اردوغان، تورکیهنین، دونیاداکی یانلیش گئدیشلره «دور» دئمهیه چالیشدیغینی سؤیلهدی.
جمهورباشقانی اردوغان، آتاتورک هاوا لیمانیندا تشکیل ائدیلهن ایستانبولون فتحینین ۵۶۹.جو ایلی قوتلامالاری تؤرهنینده دانیشدی.
ایستانبولون فتحی ایله باغلی "کونستانتینیه موطلق فتح ائدیلهجک. اونو فتح ائدن قوموتان نه گؤزل قوموتان و اونون اوردوسو، عسگری نه گؤزل عسگر" حدیثی ایله سؤزه باشلایان اردوغان،
"دونیانین قبهسیندن گلن قیریلما سسلری بعضاً سالقین خستهلیک، بعضاً طبیعی فاجعه، بعضاً قیتلیق، بعضاً ده آخان قان اولاراق قارشیمیزا چیخارکن، بیز بو حسلر ایچینده نه دئییریک؟ ایندی روسیا، اوکراینادا وضعیت بو مو؟ فاجعه بو مو؟ بوتون بو فاجعهلر قارشیسیندا تورکیه نه ائدیر؟ ائله بو یانلیش گئدیشه "دور" دئمه چاباسی ایچینده. سوریه، عراق و لیبیده 'دورون' دئییریک. آغ دنیزده و اژهده "دورون" دئییریک. اوکراینادا، قیریمدا "دورون" دئییریک. بوسنیده، بالکانلاردا "دورون" دئییریک. قاراباغدا، قافقازدا "دورون" دئییریک. فیلیسطینده، تورکوستاندا و آراکاندا "دورون" دئییریک. بو قارانلیق قبهنین اؤلکهمیزدهکی آلتلرینه ده "دورون" دئییریک" دئدی.
اردوغان، دونیادا موباریزه یوللارینین گئدرک فرقلیلشدیگینی، و قارماشیقلاشدیغینی سؤیلهیرک،
"بونون اوچون اوشاقلاریمیزی هم بیلهگی گوجلو، هم اۆرهگی گوجلو، هم کؤنلو زنگین، هم ذهنی پارلاق شکیلده یئتیشدیرمهلیییک" دئدی.
ایلگیلیلی خبرلر
یاشار گولر لیبی ساوونما ناظیرینین معاوینی ایله گوروشوب
میللی ساوونما ناظیری یاشار گولر لیبی ساوونما ناظیرینین معاوینی عبدالسلام زوبینی قبول ائدیب.