اردوغان: هر شرایط‌ده قازاقیستانلی قارداشلاریمیزین یانیندا اولاجاغیق
جمهورباشقانی اردوغان، آنکارادا اولان قازاقیستان جمهورباشقانی قاسم جؤمرت توکایئو ایله بیر سیرا آنلاشمانین ایمضالانما مراسیمیندن سونرا اورتاق مطبوعات کنفرانسی تشکیل ائتدی
جمهورباشقانی رجب طیب اردوغان تورکیه-قازاقیستان ایلیشکیلریندن دایر،
"گئچمیشدن تیکدیگیمیز کؤرپونو گوجله‌ندیره‌رک یولوموزا داوام ائدجییک" دئدی.
جمهورباشقانی اردوغان، رسمی سفر اوچون باشکند آنکارادا اولان قازاقیستان جمهورباشقانی قاسم جؤمرت توکایئو ایله بیر سیرا آنلاشمانین ایمضالانما مراسیمیندن سونرا اورتاق مطبوعات کنفرانسی تشکیل ائتدی.
جمهورباشقانی اردوغان بوراداکی چیخیشیندا، بو ایلین، قازاقیستانلا دیپلوماتیک ایلیشکیلرین قورولموشونون ۳۰.جو ایل‌دؤنومو اولدوغونو خاطیرلاتدی.
"سایین توکایئوین یئنی قازاقیستانین شکیللندیریلمه‌سینده‌کی چابالاری تقدیره لاییقدیر" دئدی.
"هر شرایط‌ده قازاقیستانلی قارداشلاریمیزین یانیندا اولاجاغیق. گچمیشدن قوردوغوموز کؤرپونو گوجله‌ندیره‌رک یولوموزا داوام ائدجییک" دئین اردوغان،
"تورکیه-قازاقیستان تیجارت حجمی یوزده ۵۸ آرتاراق ۵،۳ میلیارد دلاری گئچدی. انشاالله، بیرلیکده آتاجاغیمیز آددیملارلا ۱۰ میلیارد دلارلیق هدفه چاتاجاغیق" دئدی.
جمهورباشقانی، قازاقیستانلا تورک دؤولتلری تشکیلاتینین یانی سیرا بیرلشمیش میللتلر تشکیلاتی، ایسلام امکداشلیق تشکیلاتی و اقتصادی امکداشلیق تشکیلاتی کیمی پلتفورملاردا دایانیشمانی داوام ائتدیرمک عزمین‌ده اولدوقلارینی تصدیقلدیکلرینی بیلدیردی. اردوغان،
"تخمیناً ۱۹ میلیون جمعیتی اولان قازاقیستانلا ۸۵ میلیون جمعیتی اولان تورکیه آراسیندا دایانیشمانین نه قدر اؤنملی اولاجاغینی آنلارسینیز" دئدی.
قوناق جمهورباشقانی توکایئو ایسه سؤزلرینه:
"تورکیه جمهورباشقانی قارداشیم رجب طیب اردوغانا قوتسال آنادولو تورپاقلارینا رسمی دعوتینه گؤره چوخ ممنون اولدوغومو بیلدیرمک ایسته‌ییرم. بیزلر بو گون چوخ اؤنملی مسئله‌لر اطرافیندا گئنیش موذاکیره‌لر آپاردیق. جمهورباشقانی سایین اردوغان بیلگیکلی و سایغین بیر سیاستچیدیر. اونا گؤره ده فیکیرلری چوخ دگرلیدیر" دئیه باشلادی.
"قازاقیستان و تورکیه اورتاق کؤکلره صاحیب قارداش و دوست دؤولتلردیر" دئین توکایئو،
«تورکیه‌دن هئچ بیر ضرر گلمه‌میشدیر، هر زامان یاخشیلیق گؤرموشوک. ایندییه قدر بئله اولوب، بئله ده اولاجاق" ایفاده‌لرینی ایشلتدی.
