روس ائلچی: تورکیه‌نین آراچیلیق رولونا بؤیوک اؤنم وئریریک
"چوخ صمیمیتله بیلدیرمک ایستردیم کی، بیز تورکیه‌نین حاضیرکی پروسه‌یه وئردیگی قاتقینی و اوینادیغی آراچیلیق رولونو اۆرکدن اؤنمسه‌ییر و دگر وئریریک"
روسیانین آنکاراداکی ائلچیسی آلکسی یرخوو تورکیه‌نین روسیا ایله اوکراینا آراسیندا آراچیلیق رولونا بؤیوک اؤنم وئردیکلرینی بیلدیردی.
سووئت اتفاقینین ایکینجی دونیا ساوشیندا نازی آلمانیاسینی مغلوب ائتمه‌سینین ۷۷.جی ایل‌دؤنومو روسیانین آنکاراداکی ائلچیلیگی طرفیندن باشکند آنکاراداکی روس ائوینده قوتلاندی.
ائلچی آلکسی یرخوو ۹ می ظفر گونو تدبیرلری چرچیوه‌سینده گئچیریله‌ن آچیلیش مراسیمینده تورکیه و روسیا ایلیشکلرینه ده توخوناراق، ایکی اؤلکه آراسیندا موتلو گله‌جگین قورولماسینین داوام ائتدیگینی بیلدیردی.
تورکیه‌نین روسیا ایله اوکراینا آراسیندا اوزرینه گؤتوردوگو آراچی رولونون واجیبلیگینه ایشاره ائد‌ن یرخوو آشاغی‌داکی ایفاده‌لری ایشلتدی:
"چوخ صمیمیتله بیلدیرمک ایستردیم کی، بیز تورکیه‌نین حاضیرکی پروسه‌یه وئردیگی قاتقینی و اوینادیغی آراچیلیق رولونو اۆرکدن اؤنمسه‌ییر و دگر وئریریک. خاریجی ایشلر باخانیمیز سرگئی لاورووون آنتالیادا اوکراینالی قونومداشی و تورکیه پرزیدنتی رجب طیب اردوغانلا گؤروشمه‌سی" دولماباغچادا تورکیه‌نین ده ایشتیراک ائتدیگی دیگر گؤروشمه تورکیه‌نین آراچیلیغینا وئردیگیمیز دگری گؤستریر".
یرخوو، باریش دانیشیقلارینین قیسا زاماندا نتیجه‌لنمه‌سینی اومود ائتدیگینی ده بیلدیردی.
۲۴ فوریه‌ده روسیا قوشونلاری اوکراینایا سالدیرمیش، آردینجا طرفلر آراسیندا تورکیه‌نین ائو صاحب‌لیگی ائتدیگی بیر سیرا دانیشیقلار آپاریلمیشدی.
ایلگیلی‌لی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-ده‌کی سون وضعیتی موذاکیره ائدیب‌لر.
