خاشقچی جینایتی ایله باغلی دوسیا سعودی عربیستانینا وئریلدی
تورکیه جمال خاشقچینین قتلی ایله باغلی جینایت ایشینی سعودی عربیستانینا وئردی.
تورکیه ژورنالیست جمال خاشوقچینین اؤلدورولمهسی ایله باغلی محکمه ایشینی دایاندیردی و اونو سعودی عربیستانینا تحویل وئردی.
عدالت ناظیرلیگینین مثبت رای یندن سونرا جینایت ایشینین سعودی عربیستانینا تحویل وئریلمهسی بارهده قرار قبول ائدیلیب.
خاطیرلاداق کی، جمال خاشقچی 2018-جی ایلین اوکتبر آییندا سعودی عربیستانینین ایستانبول-داکی کونسوللوغوندا قتله یئتیریلیب. ریاض ژورنالیستین دیپلوماتیک نومایندهلیک بیناسیندا یوخا چیخدیغینی اینکار ائتسه ده، ویدئو و سس یازیلارینین اورتایا چیخماسیندان سونرا اونون کونسوللوق امکداشلاری ایله موباحیثه زمینینده اؤلدورولدوگونو اعتراف ائدیب.
2020-جی ایلین سپتامبر آییندا سعودی عربیستانی محکمهسی ژورنالیستین قتلی ایله باغلی جینایت ایشی اوزره یئکون حکم چیخاریب. نتیجهده سککیز متهمدن بئشی 20 ایل، بیری 10 ایل، ایکیسی ایسه 7 ایل مدتینه آزادلیقدان محروم ائدیلیب.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.