تورکیه روسیایا قارشی تحریم نظرده توتمور
خاریجی ایشلر ناظیری مولود چاووش اوغلو تورکیه-نین روسیایا قارشی تحریم قرارلارینی بیر-بیر اینجهلهدیگینی ائتدیگینی بیلدیریب.
خاریجی ایشلر ناظیری مولود چاووش اوغلو تورکیه-نین روسیایا قارشی تحریم قرارلارینی بیر-بیر اینجهلهدیگینی بیلدیرهرک، "بیز عمومیتله، پرینسیپ اولاراق بئله تحریم لرده ایشتیراک ائتمهمیشیک. بو تحریم لرده ده ایشتیراک ائتمهیه میللی دئییلیک" دئییب.
مولود چاووش اوغلو اؤزل تلویزیون کاناللاردان بیرینده جانلی یاییمدا روسیا-اوکراینا محاربهسی و 24 فوریهدن بری داوام ائدن گوندمله باغلی سواللاری جاوابلاندیریب.
ناظیر چاووش اوغلو بیان ائدیب کی، تورکیه-یه روسیایا قارشی تحریم لرده ایشتیراک ائتمک اوچون هئچ بیر طلب و یا تضییق یوخدور. بونلارین تورکیه اقتصادیاتینا تأثیری نه دیر، انرژی تجهیزاتی تهلوکهسیزلیگینه، او جملهدن هاوا مکانینا تأثیری نئجه اولاجاق. تورکیه عمومیتله، پرینسیپ اولاراق بئله تحریم لرده ایشتیراک ائتمهییب. بو تحریم لرده ده ایشتیراک ائتمهیه میلی یوخدور.
روسیایا قارشی هئچ بیر تحریم نظرده توتولمادیغینی بیلدیرن باشقا بیر شخص ایسه پرزیدنتین سؤزچوسو ابراهیم کالین اولوب.
"روسیا ایله دانیشا بیلن آکتیور اولمالیدیر. هامی کؤرپولری ییخاندا روسیا ایله کیم دانیشاجاق؟ بیز بو کانالی آچیق ساخلاماق اوچون تحریم پاکتی پلانلاشدیرمیریق"-دئیه کالین قئید ائدیب.
ابراهیم کالین دا اؤزل کاناللاردان بیرینه گوندمی دیرلندیریب.
کالین روسیا و اوکراینا نوماینده هئیتلری آراسیندا آپاریلان دانیشیقلاردا آتشکسه اومید ائتدیکلرینی بیلدیریب.
ابراهیم کالین "روسیانین غیری-رئال طلبلری وار. قیریم-ین تانینماسی، اوکراینانین ترک سیلاح ائدیلمهسی کیمی. فیکریمیزجه، بونلار مقبول طلبلر دئییل. بیزیم دقتیمیز بو محاربهنین سونا چاتماسی، دانیشیقلار ماساسی آرخاسیندا آتشکسین الده اولونماسی و اینسانی دهلیزین یارادیلماسیدیر" دئییب.
کالین قئید ائدیب کی، روسیا پرزیدنتی ولادیمیر پوتینین اساس مقصدی باتی ایله داها بؤیوک بازارلیق ائتمکدیر:
"بیز بورادا روسیا ایله کؤرپولری ییخمادان، اوکراینانی دا دستکلمکله و باتی ایله علاقه ساخلاماقلا داوام ائدیریک. اؤلکهمیزین اونجه لیک لرینی نظره آلاراق حرکت ائتمه لییک. روسیا ایله دانیشا بیلن آکتیور اولمالیدیر. هامی کؤرپولری ییخاندا روسیا ایله کیم دانیشاجاق؟ بو کانالی آچیق ساخلاماق اوچون تحریم لر پاکتی پلانلاشدیرمیریق".