مولود چاووش اوغلو آنتونی بلینکن و دمیتری کولبا ایله تلفونلا دانیشیب

مولود چاووش اوغلو آنتونی بلینکن و دمیتری کولبا ایله تلفونلا دانیشیب

خاریجی ایشلر ناظیری مولود چاووش اوغلو امریکانین خاریجی ایشلر ناظیری آنتونی بلینکن و اوکراینانین خاریجی ایشلر ناظیری دیمیتری کولبا ایله تلفونلا دانیشیب.

چاووش اوغلو همکارلاری ایله کئچیردیگی گؤروش‌لرده فوریه‌نین 24-ده روسیانین اوکراینا اراضی‌سینده باشلاتدیغی حربی عملیاتی و بوندان سونرا باش وئرنلری موذاکیره ائدیب و اوکراینانین اراضی بوتؤو‌لوگونو دستکلمه‌یه داوام ائده‌جک‌لرینی وورغولاییب.

بو آرادا دمیتری کولبا امریکا خاریجی ایشلر ناظیری آنتونی بلینکن ایله روسیانین اوکراینایا حربی موداخیله‌سی ایله باغلی تلفون دانیشیغی آپاریب.

کولبا توییتر حسابیندان وئردیگی آچیقلامادا روسیانین اؤلکه‌سینه قارشی آپاردیغی “آمان‌سیز محاربنی” دایاندیرماغین یول‌لارینی موذاکیره ائتدیک‌لرینی بیلدیریب.

بلینکن‌ین اونا امریکانین یئنی تحریم لری و اوکراینانی یئنی ساوونما سلاح‌لاری ایله تجهیز ائتمک پلان‌لاری باره‌ده معلومات وئردیگینی قئید ائدن کولبا "اوکراینا مقاومت گؤستریر. دونیانین کمکینه احتیاجیمیز وار" دئییب.

قئید ائدک کی، روسیا فوریه‌نین 24-ده اوکراینایا قارشی حربی عملیاتا باشلاییب.