تورکیه ایله ارمنیستان اؤزل نمایندهلری گؤروشدو
"(طرفلر) آتیلابیلهجک اولاسی ملموس آددیملارا باغلی فیکیر آلیش وئریشی ائتمیش و پروسهنی اؤن شرطلر اولمادان داوام ائتدیرمه قونوسونداکی اوزلاشیلارینی تکرارلامیشلار"
تورکیه و ارمنیستان، ایلیشکیلرین تام نورماللاشماسینی هدفلهیهن مذاکیرهلری اؤن شرط اولمادان داوام ائتدیرمه قونوسونداکی توافقلارینی تکرارلادی.
خاریجی ایشلر باخانلیغی طرفیندن وئریلهن یازیلی آچیقلامادا، تورکیهنین ارمنیستان اؤزل نمایندهسی ائلچی سردار قیلیچ ایله ارمنیستانین اؤزل نمایندهسی روبن روبینیانین بو گون اتریشین باشکندی وینده بیر آرایا گلدیگی بیلدیریلدی.
آچیقلامادا، گؤروشمهلرین سون آماجینین موسکوادا ائدیلهن ایلک ییغینجاقدا ایفاده ائدیلدیگی اوزره، تورکیه و ارمنیستان آراسیندا تام نورماللاشمانی تامین ائتمک اولدوغونون تایید ائدیلدیگی ایفاده ائدیلدی.
آچیقلامادا آیریجا،
"بو چرچیوهده (طرفلر) آتیلابیلهجک اولاسی ملموس آددیملارا باغلی فیکیر آلیش وئریشی ائتمیش و پروسهنی اؤن شرطلر اولمادان داوام ائتدیرمه قونوسونداکی اوزلاشیلارینی تکرارلامیشلار" ایفادهسی ایشلهدیلدی.
تورکیهنین ارمنیستان اؤزل نمایندهسی ائلچی قیلیچ ایله ارمنیستانین اؤزل نمایندهسی روبینیان، ایکی اؤلکه آراسینداکی ایلیشکیلرین نورماللاشماسی قونوسونو اله آلماق اوزره، ۱۴ ژانویهده روسیانین باشکندی موسکوادا بیر آرایا گلمیشدی.