اردوغان پوتینه: اوکراینانین تورپاق بوتونلوگونه ضد آددیملاری تانیمیریق
جمهورباشقانی رجب طیب اردوغان، روسیا دؤولت باشقانی ولادیمیر پوتین ایله تلفندا دانیشدی
جمهورباشقانی اردوغان، روسیا دؤولت باشقانی ولادیمیر پوتین ایله تلفندا دانیشدی.
جمهورباشقانلیغی ایلهتیشیم باشقانلیغیندان وئریلهن آچیقلامایا گؤره، تلفن دانیشماسیندا، روسیا-اوکراینا مسئلهسی اله آلیندی.
جمهورباشقانی اردوغان، بؤلگهسل مسئلهلرده روسیا دؤولت باشقانی پوتینله قوردوقلاری یاخین دیالوگا هر زامان بؤیوک اؤنم وئردیگینی، بونون مثبت نتیجهلرینی گؤردوکلرینی و بو آنلاییشی داوام ائتدیرمه عزمینده اولدوغونو وورغولادی.
اوکراینانین اگمنلیگینه و تورپاق بوتونلوگونه ضد آددیملاری تانیمادیقلارینی، بونون اصولی بیر توتوم اولدوغونو ایفاده ائدن اردوغان، مینسک آنلاشمالاری زمینینده بیر نتیجه الده ائتمهنین اؤنملی اولدوغونو دیله گتیردی.
پروبلئمین داها قاریشیق حالا گلمهسینین، هله عسگری بیر چاتیشمانین کیمسهیه فایدا گتیرمهیهجگینی وورغولایان جمهورباشقانی اردوغان، بو آنلاییشلا دیپلوماتیک تماسلارین و گؤروشمهلرین داوام ائتدیریلمهسینه اؤنم وئردیکلرینی؛ دونن اولدوغو کیمی بو گون ده تورکیهنین گرگینلیین آزالدیلماسی و باریشین قورونماسی اوچون اوزرینه دوشهنی ائتمهیه حاضر اولدوغونو ایفاده ائتدی.
بو مسلئهنین دیالوگ یولویلا حل ائدیلمهسی چاغریسینی تکرارلایان اردوغان، دیپلوماسینی اؤنه چیخارماقدا فایدا اولدوغونو، ناتو ایچینده ده یاپیجی توتومو داوام ائتدیردیکلرینی قید ائتدی.
جمهورباشقانی اردوغان، سپتامبر آیینداکی سوچی سفری سیراسیندا دا آنلاشدیقلاری اوزره، روسیا دؤولت باشقانی پوتینی یوکسک سویهلی امکداشلیق شوراسی ییغینجاغی اوچون ان قیسا مدتده تورکیهیه گؤزلهدیگینی ایفاده ائتدی.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.