چاووش اوغلو: "بؤلگهده باریش اوچون هر کس بالانسلی سیاست آپارمالیدیر"
خاریجی ایشلر ناظیری مولود چاووش اوغلو “ت.ر.ت خبر"ا موصاحیبهسینده اوکراینا-روسیا آراسینداکی بحرانی دیرلندیریب.
"بؤلگهده باریش اوچون هر کس بالانسلی سیاست آپارمالیدیر"
بونو خاریجی ایشلر ناظیری مولود چاووش اوغلو “ت.ر.ت خبر"ا موصاحیبهسینده اوکراینا-روسیا آراسینداکی بحرانی شرح ائدرکن سؤیلهییب.
“مسئله ایلک نؤوبهده گرگینلیگین آزالدیلماسی و ثابیتلیگین برقرار اولماسیدیر. هر جهد قیمتلیدیر، آنجاق بعضیلری “من ده بو ایشده وارام” دئمک اوچون آتیلان آددیملاردیر. بورادا صمیمیتسیزلیکلری موشاهیده ائدیریک. لازیمسیز آچیقلامالاردان دا قاچماق لازیمدیر. “روسیا بو گون ایشغال ائدهجک”، “صاباح ایشغال ائدهجک” کیمی آچیقلامالار اوکراینادا ناراحاتلیغا سبب اولور. اقتصادی باخیمدان دا اوکراینایا ضرر وئریر. گئرچک دورومون بو اولمادیغینی گؤروروک. رئال وضعیتده گرگینلیک وارمی؟ قارشیدورما احتیمالی وارمی؟ وار. آنجاق بونو بعضی باتی اؤلکهلرینین آچیقلادیغی کیمی مگافون دیپلماسی ایله دیله گتیرمهیه احتیاج یوخدور”، - خاریجی ایشلر ناظیرینین باشچیسی وورغولاییب.
مولود چاووش اوغلونون سؤزلرینه گؤره، بؤلگهده باریش اوچون هر کس بالانسلی سیاست آپارمالیدیر:
“اوکراینا طرفی واسیطهچیلیک ایستییر، حاضیردیر. روسیا طرفی قاپینی باغلاماییب. پوتینین تورکیه-یه گلمهسی ایله تشکیل ائدیلهجک توپلانتیدا ائو صاحیبلیگی سیراسی بیزه کئچیب. ایندی روسیادان سفرین تاریخی ایله باغلی توصیه ایستهدیک. دیگر یاندان جهدلریمیزی داوام ائتدیریریک. بیز بو مسئلهده چوخ ادعالی داورانمیریق. واسیطهچیلیک هم صدرلیگینی بمت-ده، ایسلام امکداشلیق تشیکیلاتییندا داوام ائتدیریریک. بوراداکی مسئولیتیمیزی بیلیریک”.