اردوغان: تروریستلر قاچماغا بیر دلیک بئله تاپابیلمهدیلر
"تورکیهنی اؤز مدلی ایله، اؤز گوجو ایله اؤز پروگرامی ایله دونیانین ان یاخشی ۱۰ اقتصادی آراسینا قاتاجاق آتیلیمین ایچیندهییک"
جمهورباشقانی رجب طیب اردوغان، دونن ائدیلن "قیش قارتالی" عملیاتی ایله باغلی،
"۳ فرقلی نقطهده هدفلری بومبالادیق، تروریستلر اؤزلرینه قاچاجاق دلیک بئله تاپابیلمهدیلر" دئدی.
اردوغان آنکارادا تورکیه گنج ایش آداملاری کنفدراسییونو باش آقورولوندا دانیشدی.
جمهورباشقانی، عراق و سوریهنین قوزئیینده تروریستلرین مرکز اولاراق ایستیفاده ائتدیگی دئریک، سینجار و قاراجاق بؤلگهلرینده تروریست یووالارینا قارشی دونن حیاتا گئچیریلهن "قیش قارتالی" هاوا عملیاتی ایله باغلی،
"دونن گئجه ترور هؤرگوتو پکاکایا قارشی "قیش قارتالی" عملیاتی تشکیل ائتدیک. ۳ فرقلی نقطهده هدفلری بومبالادیق، تروریستلر قاچماغا بیر دلیک بئله تاپابیلمهدیلر. تروریستلری سرحد اؤتهسینده ازمهسیدیک، شهرلرین دینجلیگینی تامین ائتمهسیدیک بو گون بورادا اولمازدیق" دئدی.
"تورکیهنی اؤز مدلی ایله، اؤز گوجو ایله اؤز پروگرامی ایله دونیانین ان یاخشی ۱۰ اقتصادی آراسینا قاتاجاق آتیلیمین ایچیندهییک" دئین اردوغان،
"(جمهوریتین قورولوشونون ۱۰۰.جو ایلدؤنومو) ۲۰۲۳ ایلی عرفهسیندهییک و تورکیهنی دونیانین آپاریجی اۆرهتیم و صادرات مرکزلریندن بیرینه چئویرمک پروسهسینی یاشاییریق" ایفادهسینی ایشلتدی.
رجب طیب اردوغان،
"۲۰۲۱.جی ایلی ۲۲۵ میلیارد دلاری گئچن تاریخیمیزین ان یوکسک صادراتی ایله، قاپاتدیق. بو ایل صادراتیمیزی داها دا ایرلی آپاراجاغیق. بو ایلین ژانویه آییندا ۱۷،۶ میلیارد دلار گرچکلشدی. تورکیه، آرتیق دونیانین ان آپاریجی اۆرهتیم مرکزلریندن بیریدیر" دئدی.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.