اردوغان: اسرائیل جمهورباشقانی تورکیه‌یه گله‌بیلر
"مثبت یاناشیم قازان-قازان اساسینا دایالی اولدوق‌دان سونرا بیز تورکیه اولاراق الیمیزدن گله‌نی ائدریک"
جمهورباشقانی رجب طیب اردوغان
"اسرائیل جمهورباشقانی اسحاق هرتزوگ، تورکیه‌یه گله‌بیلر" دئدی.
جمهورباشقانی اردوغان، رسمی گؤروشمه‌لر اوچون دونن تورکیه‌ده اولان صربیستان جمهورباشقانی الکساندر ووچیچ ایله ایکی اؤلکه آراسیندا ایمضالانان آنلاشمالارین آردین‌دان تشکیل ائدیله‌ن اورتاق مطبوعات کنفرانسین‌دا دانیشدی.
اردوغان، دوغو آغ دنیز‌ده اسرائیلله امکداش‌لیق احتیمالی ایله باغلی،
"سایین هرتزوگلا ائتمک‌ده اولدوغوموز گؤروشمه‌لر وار، بلکه تورکیه‌یه بیر سفری اولابیلر. باشباخان بنتین بو نقطه‌لرده مثبت بعضی یاناشیملاری وار. هدف مثبت یاناشیملارلا بیر یئره چاتماق. بو مثبت یاناشیم قازان-قازان اساسینا دایالی اولدوق‌دان سونرا بیز تورکیه اولاراق الیمیزدن گله‌نی ائدریک. سیاستچیلر اولاراق ساواش اوچون یوخوق، باریش اوچون واریق؛ نفت باریشین بیر واسطه‌سی اولاجاقسا بوندان ایستیفاده ائدریک. اما باریشین آراجی اولمایاجاقسا قرار هر اؤلکه‌نین اؤزونه عایددیر. سونداژ، سیسمیک آراشدیرما گمیلرینی بوشا آلمادیق" شکلین‌ده دانیشدی.
ایلگیلی‌لی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-ده‌کی سون وضعیتی موذاکیره ائدیب‌لر.
