اردوغان، تورک دؤولتلری تشکیلاتی لیدئرلری ایله دانیشدی
جمهورباشقانی اردوغان، تورک دؤولتلری تشکیلاتی عضوو اؤلکه‌لرین لیدئرلری ایله قازاقیستان‌داکی سون گلیشمه‌لر اوزرینه فیکیر آلیش وئریشی ائتدی
جمهورباشقانی رجب طیب اردوغان، تورک دؤولتلری تشکیلاتی دؤنم باشقانی اولاراق قازاقیستان‌داکی گلیشمه‌لر حاقین‌دا تشکیلات عضوو اؤلکه‌لرین لیدئرلری ایله آیری-آیری تلفندا دانیشدی.
جمهورباشقانلیغی ایله‌تیشیم باشقانلیغین‌دان وئریله‌ن آچیقلامایا گؤره، جمهورباشقانی اردوغان، قازاقیستان جمهورباشقانی قاسم جومرت توکایئو، باشدا اولماق اوزره، آذربایجان جمهورباشقانی ایلهام علییئو، قیرقیزیستان جمهورباشقانی سادیر جاپاروو و اؤزبکیستان جمهورباشقانی شؤوکت میرضیایئو ایله گرچکلشدیردیگی تلفن دانیشماسیندا قازاقیستان‌داکی سون گلیشمه‌لر اوزرینه فیکیر آلیش وئریشی ائتدی.
اردوغان، قازاقیستان جمهورباشقانی توکایئو ایله دانیشماسیندا، دوست و قارداش قازاقیستان‌دا یاشانان گلیشمه‌لری یاخین‌دان ایزله‌دیگینی ایفاده ائد‌رک، حادثه‌لرده حیاتینی ایتیره‌نلره الله‌دان رحمت، یارالانانلارا شفا دیله‌دی.
تورکیه‌نین قازاقیستانلا دایانیشما ایچین‌ده اولدوغونو ایفاده ائد‌ن اردوغان، تورک دؤولتلری تشکیلاتینین دا یاییملادیغی آچیقلامادا قازاقیستانا دستگین وورغولادیغینی ایفاده ائتدی.
قازاقیستان‌دا یئنی حکومتین بیر آن اؤنجه قورولماسینی و گرگینلیین قیسا مدت‌ده سونا چاتماسینی آرزو ائتدیگینی دیله گتیره‌ن اردوغان، قازاقیستان خالقینین قارشیلیق‌لی گووه‌ن و دیالوگ چرچیوه‌سین‌ده پروبلئملری آشاجاغینا ایناندیغینی سؤیله‌دی.
اردوغان، احتیاج دویولماسی حالین‌دا تورکیه‌نین هر جور تکنیک بیلگی و تجروبه پایلاشیمینی گرچکلشدیرمه‌یه حاضر اولدوغونو قید ائتدی.
اردوغان، آذربایجان جمهورباشقانی علییئو، قیرقیزیستان جمهورباشقانی جاپاروو و اؤزبکیستان جمهورباشقانی میرضیایئو ایله دانیشمالاریندا دا قازاقیستانین ثابت‌لیگی و گوونلیگینین قونشولاری باشدا اولماق اوزره بوتون بؤلگه اوچون اؤنملی اولدوغونو وورغولایاراق، قارداش قازاقیستانین دیالوگ یولویلا بو پروبلئمی آشاجاغیندان آرخایین اولدوغونو ایفاده ائتدی.
ایلگیلی‌لی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-ده‌کی سون وضعیتی موذاکیره ائدیب‌لر.
