جمهورباشقانی اردوغان قطره گئتدی

جمهورباشقانی رجب طیب اردوغان تورکیه‌نین قطرله یاناشی کؤرفزده‌کی دیگر اؤلکه‌لرله ده امکداش‌لیغی اینکیشاف ائتدیرمه‌یه چالیشدیغینی بیلدیردی.

اردوغان قطره یولا دوشمزدن اول ایستانبولون آتاتورک هاوا لیمانین‌دا تشکیل ائتدیگی مطبوعات کنفرانسیندا تورکیه-قطر ایلیشکی‌لرینین دوستلوق و استراتژیک پرسپکتیوی ایله گوندن گونه گوجلندیگینی، سون ایللرده یاخشی ایرلیلییشلر الده اولوندوغونو بیلدیردی.

تورکیه و قطرین گوجلو دوروشلارینی قورویان ایکی دؤولت اولدوغونو وورغولایان اردوغان، قطرله اورتاق‌لیغی اقتصاد‌دان ساوونمایا، تیجارت‌دن سرمایه‌یه "قازان-قازان" پرینسیپی ایله گوجلندیردیکلرینی سؤیله‌دی.

قطرله یاناشی کؤرفزده‌کی دیگر اؤلکه‌لرله ده امکداش‌لیغی گلیشدیرمه‌یه چالیشدیقلارینی بیلدیره‌ن اردوغان سؤزلرینی بئله داوام ائتدیردی:

"کؤرفز بؤلگه‌سینده دیالوگ قاپیلارینین یئنی‌دن آچیلماسی و آنلاشیلمازلیقلارین آرادان قالدیریلماسی یولوندا دیپلوماتیک چابالاری آلقیشلاییریق. تورکیه اولاراق بیز بیرلیگیمیزی، دایانیشمامیزی، بوندان سونراکی ایلیشکیلری چوخ داها دا گوجله‌نرک داوام ائتدیرمکدن یاناییق".

اردوغان مطبوعات کنفرانسین‌دان سونرا قطره حرکت ائتدی.