تورکیه: آذربایجانین سئوینج و غرورونو پایلاشیریق
تورکیه، آذربایجانلا دایانیشمانین سونسوزا قدر داوام ائدجگینی بیلدیردی
تورکیه قاراباغ ظفری ایله باغلی آذربایجانین سئوینجینی و غرورونو بؤلوشدوگونو و بو اؤلکه ایله دایانیشماسینین سونسوزا قدر داوام ائدجگینی بیلدیردی.
خاریجی ایشلر باخانلیغی، قاراباغ غلبهسینین ۱.جی ایلدؤنومو ایله باغلی یازیلی آچیقلاما یاییملادی.
آچیقلامادا،
"آذربایجانین ۴۴ گونلوک وطن محاربهسینده اؤتن ایل ۸ نوامبردا مدنیت باشکتدی قدیم شوشانی (ارمنی ایشغالیندان) قورتاراراق داها دا احتشام قاتدیغی ظفرینی قوتلاییریق. ایشغال اولونموش تورپاقلارینی گئری قایتارماق اوچون مشروع مدافعه حاقینی قوللانان آذربایجان، ۹ نوامبردا امضالانان اوچلو بیلدیری ایله میدانداکی غلبهسینی ماسادا دا ثبت ائتدی و بیرلشمیش میللتلر تشکیلاتینین گوونلیک شوراسینین ایللردیر ایجرا اولونمایان قطعنامهلرینی اؤز ایرادهسی ایله حیاتا گئچیردی" دئییلدی.
قاراباغ غلبهسینین عینی زاماندا باریش اوچون اؤنملی آددیم اولدوغو وورغولانان آچیقلامادا،
"آذربایجانین غلبهسی ایله، زورلا یئرلریندن ائدیلمیش ۱ میلیون آذربایجانلی قارداشمیز اوچون ده اؤز دوغما یوردلارینا قاییتما یولونون آچیلماسیندان سئوینج دویوروق. قاراباغ غلبهسی یالنیز ایشغال آلتیندا اولان تورپاقلاری آزاد ائتمهمیش، بؤلگهده اؤزلم دویدوغوموز قالیجی باریش، ثابتلیک و ایش بیرلیگینین ده یولونو آچمیشدیر. سرعتله آباد اولان قاراباغ و دوغو زنگهزور بؤلگهلرینده فضولی هاوا لیمانی، ظفر یولو کیمی پروژهلر آذربایجانین یاپیجی گوجونون گؤستریجیسیدیر. "ایکی دؤولت، بیر میللت»، شوشا بیاننامهسی ایله ایلیشکیلریمیزی متفیقلیک سویهسینه چاتدیردیغیمیز آذربایجانین سئوینجینی و غرورونو بؤلوشوروک. آذربایجانلا دایانیشمامیز ابدی اولاراق داوام ائدجکدیر" ایفادهلری قوللانیلدی.
ایلگیلیلی خبرلر
آوریل آییندا ایستانبول هاوا لیمانینا گلن یولچولارین سایی 20 میلیونو اوتوب
بو بارهده تورکیه-نین نقلیات و آلت یاپی ناظیرلیگیندن معلومات وئریلیب.