مصطفی شنتوپ ایسپانیایا هم تبریک، هم ده تشککور مکتوبو گوندریب
تورکیه بؤیوک میللت مجلیسینین صدری مصطفی شنتوپ ایسپانیا پارلامئنتی و سناتینین صدرلرینه هم تشککور، هم ده تبریک مکتوبو عنوانلاییب.
تورکیه بؤیوک میللت مجلیسینین صدری مصطفی شنتوپ ایسپانیا پارلامئنتی و سناتینین صدرلرینه هم تشککور، هم ده تبریک مکتوبو عنوانلاییب.
مصطفی شنتوپ ایسپانیا نومایندهلر مجلیسینین صدری مریچل باتته و ایسپانیا سناتینین رهبری آندر گیل قارسیایا مکتوب عنوانلاییب.
شنتوپ 19-21 سپتامبر2021-جی ایل تاریخلرینده ایسپانیایا سفری زامانی اونا و نوماینده هئیتینه گؤستردیگی مهریبان قوناقلیق اوچون تشککور ائدیب. شنتوپ مکتوبوندا دئییب:
"تاریخی دوستلوق باغلاریندان و پارلامئنتلریمیز آراسینداکی سیخ ایش بیرلیگیندن قایناقلانان تورکیه-ایسپانیا علاقهلرینین خالقلاریمیزین عمومی منفعتینه اویغون اولاراق، هر ساحهده داها دا اینکیشاف ائدجگینه اینانیرام. بیر داها وورغولاماق ایستییرم کی، من سیزی اؤلکمده قوناق ائتمکدن ممنون اولاجاغیمی بیر داها قئید ائتمک ایستردیم".
مصطفی شنتوپ ایسپانیانین میللی گونونو ده وورغولایاراق، "تورک میللتی و اؤز آدیمدان سیزی صمیمی قلبدن تبریک ائدیر، ایسپانیا خالقینا ریفاه و فیراوانلیق، سیزه و ایسپانیا نومایندهلر مجلیسینین دیرلی عضولرینه اوغورلار و ریفاه دیلییرم" دئییب.