تورکیه پاکیستانا باش ساغلیغی وئریب

تورکیه پاکیستانین بلوچستان بؤلگه‌سینده باش وئرن زلز‌له‌ده حیاتینی ایتیرن‌لرله علاقه‌دار باش ساغلیغی وئریب.

خاریجی ایشلر ناظیرلیگی‌نین آچیقلاماسیندا "پاکیستانین گونئی ینده‌کی بلوچستان بؤلگه‌سینده باش وئرن 5،9 شدتینده زلز‌له‌ده اؤلن‌لر اولدوغو، چوخ‌لو یارالانما‌لار و ائولرده فسادلارین اولماسی درین کدرله اؤیرنیلدی" ایفاده‌سیندن ایستیفاده ائدیلمیش‌دیر.

آچیقلامادا تورکیه-‌نین دستک وئرمه‌یه حاضیر اولدوغو وورغولانا‌راق "باشدا زلز‌له‌ده حیاتینی ایتیرن‌لرین عائله‌لری اولماقلا، دوست پاکیستان حکومتینه و قارداش پاکیستان میللتینه باش ساغلیغی دیلک‌لریمیزی تقدیم ائدیر، یارا‌لی‌لارین تئزلیکله ساغالماسینی دیلییریک و تورکیه-‌نین هر زامان اولدوغو کیمی یاردیم اوچون حاضیر اولدوغونو بیان ائدیریک" دئییلیب.

قئید ائدک کی، پاکیستانین بلوچستان ایالتینده باش وئرن زلز‌له‌ده 6-سی اوشاق اولماقلا 20 نفر حیاتینی ایتیریب.