اردوغان - پوتین گؤروشمهسی سونا چاتدی
"تورکیه-روسیا ایلیشکیلرینده هر گئچهن گون چوخ داها گوجلنهرک داوام ائتمهمیزده چوخ بؤیوک فایدالار وار"
جمهورباشقانی رجب طیب اردوغان،
"تورکیه-روسیا ایلیشکیلرینده هر گئچهن گون چوخ داها گوجلنهرک داوام ائتمهمیزده چوخ بؤیوک فایدالار وار" دئدی.
جمهورباشقانی اردوغان و روسیا دؤولت باشقانی ولادیمیر پوتین، روسیانین سوچی شهریندهکی دؤولت باشقانلیغی رسمی ایقامتگاهیندا بیر آرایا گلدی.
مطبوعاتا باغلی گرچکلشن گؤروشمه ۲ ساعات ۴۵ دقیقه داوام ائتدی.
جمهورباشقانی اردوغان، گؤروشمه اولینده، تورکیه-روسیا ایلیشکیلرینین چوخ فرقلی شکیلده اؤزونو گؤستردیگینی، تیجارت حجمینین بو آندا چوخ یاخشی وضعیتده اولدوغونو ایفاده ائدرک،
"(تیجارت حجمینین) داها دا یاخشی بیر مؤقعیته گلهجگینه اینانیرام. اؤزللیکله توریزمده وئرمیش اولدوغونوز دستک اوچون (پوتینه) چوخ چوخ تشکر ائدیرهم" دئدی.
روسیانین امکداشلیغییلا تیکیمی داوام مرسین آککویو نوکلئر گوج سانترالینا باغلی اردوغان،
"گلن ایل بیرینجی مودولون آچیلیشینی ائدهبیلهجییک" دئدی.
ساوونما صنایعینده تورکیه ایله روسیانین بیرلیکده آتدیغی آددیملارا توخونان اردوغان،
"تورکیه-روسیا ایلیشکیلرینده هر گئچهن گون چوخ داها گوجلنهرک داوام ائتمهمیزده چوخ بؤیوک فایدالار وار. سوریه ایله ایلیشکیلی بیرلیکده آتدیغیمیز آددیملار بؤیوک اؤنم ایفاده ائدیر. اورانین دا باریشی یئنه تورکیه و روسیا ایلیشکیلرینه باغلی" شکلینده دانیشدی.
پوتین ایسه،
"اردوغان ایله گؤروشمهلریمیز هر واخت پروبلئمسیز گئچمیر. آنجاق ایلگیلی قوروم و قورولوشلاریمیز آنلاشما یولونو تاپابیلیر. تورکیهنین روسیا سرمایهلری توپلام ۱،۵ میلیارد دلار، روسیانین تورکیه سرمایهلری ۶،۵ میلیارد دلارا چاتدی. بؤیوک پروژهلرین هامیسی پلانلی شکیلده داوام ائتمکدهدیر" دئیه دانیشدی.
"قاراباغدا امکداشلیغیمیز هم آتیشکسین تامین ائدیلمهسینده هم ده ایرلیدهکی داها ساغلام قالیجی بیر باریشین تامین ائدیلمهسینه دایر اؤنملی بیر عنصوردور" ایفادهسینی ایشلدن پوتین،
"تورکیه ایله امکداشلیغیمیز، اولوسلارآراسی صحنهده باشاریلی بیر شکیلده داوام ائدیر. بورادا هم سوریه هم ده لیبی ایله باغلی توتوملاریمیزی نظرده توتورام" دئدی.