اردوغان: بؤیوک و گوجلو تورکیه سیلوئتی اوفوقدا گؤرونموشدور
"تورکیه بؤیودوکجه و زنگینلشدیکجه هر بیر وطنداشین رفاه سویه‌سی یوکسه‌له‌جک"
پرزیدنت رجب طیب اردوغان، سون دؤورده صنایع اۆرتیمینده، صادرات، استخدام و بؤیومه‌ده سرعتلی یۆکسلیش ایله یئنی نسیل کوروناویروس (کووید-۱۹) سالقینی اؤنجه‌سی دؤورون اۆستونه چیخدیقلارینی بیلدیررک،
"بؤیوک و گوجلو تورکیه سیلوئتی اوفوقدا گؤرونموشدور" دئدی.
اردوغان، جمهورباشقانملیغی ساراییندا "ایشچیلرله گؤروشمه" پروگرامینا قاتیلدی.
تورکیه‌نین سون ۱۹ ایلده استخدام ساییسینی ۹،۵ میلیون آرتیردیغینی و چالیشانلارینین گلیر سویه‌سینی قات قات آرتیردیغینی وورغولایان اردوغان،
"ملی گلیریمیز تورک لیره‌سی اولاراق تخمیناً ۱۱ دفعه آرتارکن، مینیموم امک حاقی تخمیناً ۱۶ دفعه آرتدی. اؤلکه‌میزه قازاندیردیغیمیز اثر و خیدمتلرله رفاه سویه‌سینی یوکسلتمک اوچون مبارزه آپاردیق" دئدی.
"صنایع اۆرتیمینده، صادرات، استخدام و بؤیومه‌ده سرعتلی یۆکسلیش ایله یئنی نسیل کوروناویروس سالقینی اؤنجه‌سی دؤورون اۆستونه چیخدیق" دئدی.
پرزیدنت اردوغان،
"گؤستریجیلر، اقتصاد‌داکی مثبت آرتیمین آرتماغا داوام ائدجگینه ایشاره ائدیر. بؤیوک و گوجلو تورکیه سیلوئتی اوفوقدا گؤرونموشدور" دئدی.
اردوغان،
"تورکیه بؤیودوکجه و زنگینلشدیکجه هر بیر وطنداشین رفاه سویه‌سی یوکسه‌له‌جک. 'اؤلکه‌میزی دونیانین ان بؤیوک ۱۰ اقتصادین‌دان بیری ائدجییک' دئیه‌نده بونو هر کسیم اوچون سؤیله‌ییریک. اوشاقلاریمیزا هر کسین خیالی اولان بیر اؤلکه بوراخاجاغیمیزا هئچ کیم شبهه ائتمه‌مه‌لی‌دیر" دئدی.
