اردوغان، یاردیم گؤندرن اؤلکهلره تشکر ائتدی
"اؤزللیکله ایلک آندان اعتباراً دستکلرینی اسیرگهمهین جان آذربایجانین پرزیدنتی ایلهام علییئوه، روسیا پرزیدنتی ولادیمیر پوتینه، ایسپانیا باشباخانی پدرو سانچزه تورکیه آدینا تشکر ائدیرم"
پرزیدنت رجب طیب اردوغان، تورکیهنین مئشه یانغینلاری ایله مبارزهسینه دستک وئرهن اؤلکهلره و تشکیلاتلارا تشکر ائتدی.
اردوغان، سوسیال مئدیا پایلاشیمیندا،
"اورمان یانغینلاری ایله مبارزهمیزه دستگینی، یاخشی دیلکلرینی و باشساغلیغی گؤندرهن، کؤمک گؤندرن و یاردیم گؤندرمهیه حاضر اولدوقلارینی بیلدیرهن بوتون دوست اؤلکهلره و تشکیلاتلارا ملتیم آدینا تشکر ائدیرهم. انشاالله بو چتین پروسهدن ان قیسا زاماندا گئچهجهییک" دئدی.
اؤزللیکله ایلک آندان اعتباراً دستکلرینی اسیرگهمهین جان آذربایجانین پرزیدنتی ایلهام علییئوه، روسیا پرزیدنتی ولادیمیر پوتینه، ایسپانیا باشباخانی پدرو سانچزه تورکیه آدینا تشکر ائدن اردوغان، ایران جمهورباشقانی ابراهیم رئیسی، قطر امیری شیخ تمیم، کروواسی پرزیدنتی زوران میلانوویچ و اوکراینا پرزیدنتی ولادیمیر زلنسکییه گؤستردیکلری گوجلو دایانیشما اوچون تشکر ائتدی.