اردوغان گوندمی دگرلندیردی
"بورادا هر هانسی بیر سوءقصد، بو جور شئیلر وار می یوخ مو بونلارین اوزرینده دورولور"
جمهورباشقانی رجب طیب اردوغان، بعضی بؤلگهلرده چیخان اورمان یانغینلارییلا باغلی سوروشدورمانین داوام ائتدیگینی سؤیلهدی.
ایستانبولدا جمعه نامازینین آردیندان دانیشان اردوغان،
"ائش زامانلی، اؤلکهمیزین دییشیک یئرلرینده چیخان یانغینلارلا باغلی سوروشدورما داوام ائدیر. بورادا هر هانسی بیر سوءقصد، بو جور شئیلر وار می یوخ مو بونلارین اوزرینده دورولور" ایفادهلرینی ایشلتدی.
یانغین سؤندورمه ایشلری اوچون بوتون ایمکانلارین سفربر ائدیلدیگینی بیلدیرهن اردوغان،
"بو گون اعتیبارییلا اوچاق ساییمیز ۵-۶یا چیخمیش. بو اوچاقلاردان روسیادان، اوکراینادان آلدیغیمیز اوچاقلار وار. آذربایجان دا بیر اوچاغینی گؤندرهجک. ایهالاریمیز ایله ده بؤلگهنین وضعیتلرینی آراشدیریریق./.../ ۱۱۴۰ نقطهده ایسه مئشه یانغینلاری ایله مبارزه ائدیلیر. ۲۸-۳۰ جولایدا ۷۱ مئشه یانغینی چوخ تأسف کی چیخمیش وضعیتده، ۵۷سی کنترل آلتینا آلیندی، ۱۴ مئشه یانغینینی کنترل آلتینا آلینما چالیشماسی داوام ائدیر" دئدی.
جمهورباشقانی، اورمان یانغینلاریندان تأثیرلنهن هئچ بیر وطنداشین دستکسیز قالمایاجاغینی وورغولادی.
یئنی نسیل کوروناویروسلا مجادلهیه ده توخونان جمهورباشقانی اردوغان، بو گونه قدر تخمیناً ۷۲ میلیون دوز آشی وورولدوغونو سؤیلهدی.
آشیلاما ایمکانی اولمایان اؤلکهلر وارکهن تورکیهنین بئله بیر سورون یاشامادیغینی ایفاده ائدن اردوغان، بوتون تدبیرلری آلدیقلارینی و نورماللاشمانی سرعتلهندیرمهنین چاباسی ایچریسینده اولاجاقلارینی قید ائتدی.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.