پروفسور سوباجی:"21-جی عصرین ان بؤیوک دموکراسی داستانینی بیرلیکده یازدیق"

تورکیه رادیو تلویزیون قورومونون (ت.ر.ت) باش مودیری پروفسور دؤکتور محمد زاهد سوباجی 15 جولای دموکراسی و میللی بیرلیک گونونو پروقرام‌لارلا خاطیرلاماغا، بو موباریزنی بوتون پلاتفورما‌لاردا ایضاحا داوام ائده‌جک‌لرینی سؤیله‌دی.

ت.ر.ت رهبرلیگی طرفیندن 15 جولای دموکراسی و میللی بیرلیک گونو موناسیبتیله قورومون باخچاسیندا خاطره تدبیری تشکیل ائدیلیب. پروقرام ت.ر.ت صنعتچیسی عمر فاروک گونئی‌ین صلا اوخوماسی و قرآن کریم تلاوتی ایله باشلاییب.

تدبیرده چیخیش ائدن ت.ر.ت-نین باش مودیری پروفسور دؤکتور محمد زاهد سوباجی دئییب: "5 ایل اول بو گون 21-جی عصرین ان بؤیوک دموکراسی داستانینی بیرلیکده یازدیق، تورکیه-‌نین کئچیلمز اولدوغونو بوتون دونیایا گور سسله ائشیتدیردیک. فردلر بیرلشیب بیر میللت معجزه‌سی یاراتدیغینی بوتون دونیایا گؤستردی. حؤرمت‌لی اؤلکه باشچییمیز رجب طیب اردوغانین "من میللتین گوجوندن اوستون هر هانسی بیر گوج تانیمادیم" کلامی اؤلکه‌نین دؤرد بیر طرفینه یاییلا‌راق اصلینده دالغا-دالغا او قاران‌لیق گئجه‌نی ایشیقلیغا قوووش‌دوران سؤزلر اولدو.

بو میللت گنجی، یاش‌لی‌سی، قادینی، کیشی‌سی ایله ایراده‌سینه کؤلگه سالماغا چالیشان خاین بیر شبکه‌یه قارشی داستان یازدی: دموکراسی و موستقیل‌لیگینی یالین ال لریله، جانی باهاسینا، قانی باهاسینا آلماق اوچون بؤیوک بیر ایراده نوماییش ائتدیردی.

اونوتمایاق کی، اصلینده جانی ایله دموکراسی‌سینه صاحیب چیخان تک بیر اؤلکه وار، او دا تورکیه-‌دیر.

تورکیه-‌نین ان قدیم یاییم کانا‌لی اولان ت.ر.ت ده بو امانته صاحیب چیخدی.

15 جولای دموکراسی و میللی بیرلیک گونونو یاییم‌لارلا خاطیرلاماغا، بو موباریزنی بوتون پلاتفورما‌لاردا ایضاح‌لارا داوام ائدجییک. بو، بیزیم ان اساس میسیونوموزدور، مسئولیتیمیز و شهیدلره بورجوموزدور. بیز بوتون دونیایا فتح الله‌چی ترور تشکیلاتی‌نین (فتو) قاران‌لیق، چیرکین اوزونو گؤسترمک مجبوریتیندییک. بو بیر گؤستریش دئییل، مسئولیت و بورجدور کی، ان یاخشی شکیلده یئرینه یئتیرمه‌لییک."

تدبیرده ت.ر.ت ایداره هئیتی‌نین صدری پروفسور احمد آلبایراک دا ایشتیراک ائدیب.