قیرقیزیستان جمهورباشقانی تورکیهیه گلیر
قیرقیزیستان جمهورباشقانی سادیر جاپاروو، رسمی سفر چرچیوهسینده جمهورباشقانی رجب طیب اردوغان ایله گؤروشهجک
قیرقیزیستان جمهورباشقانی سادیر جاپارووون، ۹-۱۱ ژوئن تاریخلرینده تورکیهیه رسمی بیر سفر گرچکلشدیرهجگی بیلدیریلدی.
جمهورباشقانلیغی خاریجی سیاست دایره باشقانی داستان دوشئکئیئو، وئردیگی آچیقلامادا، قیرقیزیستان جمهورباشقانی سادیر جاپارووون، رسمی سفر چرچیوهسینده جمهورباشقانی رجب طیب اردوغان ایله گؤروشهجگینی ایفاده ائتدی.
دوشئکئیئو، ایکی لیدئرین، تورک اؤلکهلری امکداشلیق شوراسی (تورک کنهشی) چرچیوهسینده ایکیلی و چوخ طرفلی امکداشلیغین یانیندا گونجل قونولار حاقیندا گؤروش آلیش وئریشی ائدهجکلرینی بیلدیردی.
سفر چرچیوهسینده، ایکی اؤلکه جمهورباشقانلارینین قاتیلیمییلا تورکیه و قیرقیزیستان استراتژیک امکداشلیق یوکسک شوراسینین ۵.جی توپلانتیسینین گرچکلشدیریلهجگینی دئین دوشئکئیئو، جاپارووون، تورکیه بؤیوک ملت مجلسی باشقانی مصطفی شنتوپ ایله ده بیر آرایا گلهجگینی سؤیلهدی.
دوشئکئیئو، جاپارووون، قیرقیزیستان - تورکیه ایش فوروموندا ایش انسانلارینا خطاب ائدجگینی و تورکیهدهکی قیرقیزیستان وطنداشلاری، اؤیرنجیلری و آنکارادا فعالیت گؤسترهن مولکی توپلوم قورولوشلارینین نمایندهلریله بیر آرایا گلهجگینی قید ائتدی.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.