قارادنیزده ۱۳۵ میلیارد مکعب متر گاز کشف ائدیلدی
«فاتح» گمیسی طرفیندن کشف ائدیلن توپلام دوغال گاز رزروی ۵۴۰ میلیارد مکعب متره چاتدی
«فاتح» گمیسی قارا دنیزده «ساکاریا» یاتاغینداکی «آماسرا-۱» قویوسوندا ۱۳۵ میلیارد مکعب متر طبیعی گاز رزروی کشف ائتدی. بونونلا دا قارا دنیزده آراشدیرما آپاران «فاتح» گمیسی طرفیندن کشف ائدیلن توپلام دوغال گاز رزروی ۵۴۰ میلیارد مکعب متره چاتدی.
پرزیدنت رجب طیب اردوغان زونگولداک ویلایتیندهکی عثمانلی سلطانی عبدالحمید دؤورونه عاید ۱۵۰ ایللیک تاریخی اولان «فیلیوس لیمانی»نین رسمی آچیلیش مراسیمینده دانیشدی.
اردوغان،
"تورکیهنین اوچ بؤیوک لیمانیندان بیری اولان «فیلیوس» اؤلکه صادراتینا دا چوخ اؤنملی قاتقی وئرهجک و بوغازلارین یوکونو یونگوللشدیرهجک. لیمان، عینی زاماندا، کشف ائدیلن طبیعی گازین قورویا باغلانماسیندا دا اؤنملی رول اوینایاجاق. بو پروژهنین حیاتا گئچیریلمهسی بیزیم ۲۰۲۳.جو ایل هدفلریمیزدن بیریدیر. ایلین سونونا قدر اؤلکه صادراتی ۲۰۰ میلیارد دلارا چاتدیریلاجاق" دئدی.