یوردایچینده ترورا قارشی عملیات باشلادیلدی
عملیاتلاردا، ۳۵۲ عملیاتی تیم، ۵ مین ۲۸۰ پرسنل وظیفه آلیر
شیرناک و حکاریده ۵ مین ۲۸۰ پرسنلین ایشتیراکییلا "ارن جودی-بئستا" و "ارن قازان-اوغول" عملیاتلاری باشلادیلدی.
ایچ ایشلری باخانلیغیندان وئریلهن آچیقلامایا گؤره، "ارن عملیاتلاری"، خالقین دستگی ایله اینانجلی و قرارلی بیر شکیلده باشارییلا داوام ائدیر.
بو چرچیوهده، عراقین قوزئیینده تشکیل ائدیلهن پنجه-شیمشک و پنجه-ایلدیریم عملیاتلارییلا ائش زامانلی و ایش بیرلیگی ایله یورد ایچینده بؤلوجو ترور هؤرگوتو پکاکانی اؤلکه گوندمیندن تامامیله چیخارماق، تروریستلرین سؤزده سیغینما ساحهلری آراسی گئچیشلرینی انگللمک و تروریستلری ائتکیسیز حالا گتیرمک مقصدیله شیرناکدا "ارن جودی-بئستا" و حکاریده "ارن قازان-اوغول" عملیاتلاری باشلادیلدی.
عملیاتلاردا، ۳۵۲ عملیاتی تیم، ۵ مین ۲۸۰ پرسنل وظیفه آلیر.
یورد ایچینده ترورون تامامیله اورتادان قالدیریلماسی مقصدیله ۱۱ ژانویه ۲۰۲۱ده باشلادیلان "ارن عملیاتلاری" چرچیوهسینده بو گونه قدر ۲۲ تروریست ضررسیز حالا گتیریلدی، ۷۵ ایش بیرلیکچی یاخالاندی، ۶۶۶ ماغارا، سیغیناق و آنبار محو ائدیلدی، چوخ ساییدا سلاح-مهمات، قیدا و حیات لوازمی اله گئچریلدی.
اؤته یاندان، یورددیشیندا عملیاتلار چرچیوهسینده عراقین قوزئییندهکی متینا و آواشین-باسیاندا ایجرا ائدیلهن پنجه-شیمشک و پنجه-ایلدیریم عملیاتلاریندا ۵ تروریست سلاحلی اینسانسیز هاوا آراجلارییلا (سیها) ضررسیز حالا گتیریلدی.
پنجه عملیاتلاریندا ضررسیز حالا گتیریلهن تروریست ساییسی ۴۲ نفره یوکسلدی.