شنتوپ: سویقیریم سوچلارییلا سابقهلی اولانلار تورکیه حاقیندا داها دقتلی دانیشمالی
"تورکیه بؤیوک میللت مجلیسی باشقانی اولاراق، دؤولتیمیزه، میللتیمیزه، تاریخیمیزه آتیلان بو بؤیوک بؤهتانی رد ائدیرهم"
تورکیه بؤیوک میللت مجلیسی باشقانی مصطفی شنتوپ، مجلیسده "ایکینجی قاراباغ ساواشی و ارمنیستانین ساواش سوچلاری پانئلی"نده دانیشماسیندا، "ارمنیستان و ارمنی دیاسپورونون، 'بؤیوک ارمنیستان' خیالینه قاپیلاراق ارمنیلری سؤزده 'سویقیریم' ادعالاری ایله تورکیهیه قارشی نیفرت دویغولارییلا تحریک ائتمهلرینین بیر نتیجهسی اولاراق، بؤلگهسل ثابیتسیزلیگین مسببی اولدوقلاری آچیقدیر" دئدی.
بایدنین ۱۹۱۵ حادثهلری آچیقلاماسینا باغلی، "علمی، تاریخی هئچ بیر یئنی تاپقی، یئنی هئچ بیر دگرلندیرمه یوخدور. دییشهن تک شئی سیاسی قراردیر" ایفادهسینی ایشلدن تورکیه بؤیوک میللت مجلیسی باشقانی شنتوپ، "آمریکا باشقانینین سؤزده 'سویقیریم' آچیقلاماسی؛ حقوقو، سیاسی و تاریخی تجروبهسینی هئچه سایان بیر آچیقلامادیر. بو، آمریکانین ائورنسل حقوق و بیلیمله ضدیتینی اورتایا قویدوغو کیمی، تورکیه و آمریکا آراسینداکی اینسان حاقلارینا، حقوقون اوستونلویونه و قارشیلیقلی دوستلوغا دایانان ایلیشکیلرینه ضرر وئرهجک ماهیتده بیر آچیقلامادیر" شکلینده دانیشدی.
تورکیه بؤیوک میللت مجلیسی باشقانی شنتوپ، "(آمریکا باشقانی بایدنین ۱۹۱۵ حادثهلرینه باغلی آچیقلاماسی) تورکیه بؤیوک میللت مجلیسی باشقانی اولاراق، دؤولتیمیزه، میللتیمیزه، تاریخیمیزه آتیلان بو بؤیوک بؤهتانی رد ائدیرهم. هله کی تاریخی، حتی بو گونو آیرییمچیلیق، عیرقچیلیق، سویقیریم، اؤلکه دیشیندا اینسانلیغا قارشی سوچلارلا سابقهلی اولان اؤلکهلرین مقاملارینین تورکیه حاقیندا دانیشارکهن چوخ داها دقتلی اولمالاری لازیم اولدوغونو خاطیرلاتماق ایستهییرهم" دئدی.
